近排工作

有左facebook之後, 好耐都冇喺blog講吓我既工作狀況喇, 等我簡略講講啦~~

由邊度開始講起呢, 就由公司請左個同胞同事開始講啦, 咁請同胞同事之前, 就有一段時間未請到人, 我自自然然就做埋另一個同事本身既工作, 佢既工作就包括訂文具及一般admin既工作(唔知點解, 呢d唔係比admin做, 係比我地做), 過左一排, 就請左個同胞同事啦, 我亦都唔知點解要請呢d人返黎, 滿口鄉下音, 真係想死, 佢初初返工既時候, 我真係估佢講緊乜架, 勁辛苦囉!!

但係最好笑既就係, 同胞請左啦, 但係原先係同胞個位做既野, 唔知點解係比左我做, 有文具要訂既, 個個都黎搵我, 一個月訂幾十次, 今日訂完, 聽日又話要訂, 你估人地冇野做架, 訂文具都不特止, 最好笑就係, 叫我"格格價", 我睬佢都傻呀, 我個職責做呢d架, 買貴左咪貴左, 又唔係我比錢, 關我咩事呀, 最好笑就係有次, 訂左d墨返黎, 點知用唔到喎, 仲要叫我打返去問吓可唔可以換返, 我真係話之佢呀, 掉左佢就算, 再訂過返黎, haha, 呢一個月我訂既野, 真係多, 總之我乜都訂多幾份返黎, 費事成日都叫我訂。

第二件事呢, 令到我最"忟"架, 咁老細個細女喺外國讀完書返黎, 唔知點解, 由8月份佢既手提電話費, 轉左由公司交錢, 交都冇所謂, 因為d錢都唔係我, 最憎既就係, 果個死8婆(我阿頭), 叫我打去pccw度問, 首先, 將細女個手提電話登記人轉返做公司名, 再group埋落公司旗下既a/c, 之後再搞埋autopay, 我頂你個肺呀, 我係佢秘書呀, 點解要我做呢d野, 死8婆應該都知我唔滿意, 佢叫我得閒先問, 隔左10日到, 佢唔敢親口問我搞掂未, 佢send mail問, 我一開個mail, 見到佢問我ok未, 我就"忟", 個一刻真係想即刻唔做, 佢問完一次我唔答, 隔多幾日再問, 我真係想打"7"佢囉, 佢自己唔做既野, 就搵我黎做, 仲要叫我問完之後, 寫返個step, 等佢同老細講, 咁係咪即係代表係佢問呢, 乜都好似關a/c事, 成日攬埋d野返黎, 就叫我地做, 你估我地係超人呀, 唔夠人做咪請人囉, 成日又話忙, 又話多野做, 叫你做就做既咩, 真係好想打爆佢個頭呀, 好想爆粗鬧佢, 正一痴很線呀.......