我放監喇

尋日終於考完試喇, 都ok既, 我已經盡左力喇, 識幾多就答幾多, 我諗都合格啩, 不過當我入去考試房既時候, 竟然見到我同事, 哈哈, 佢考taxation, 原來佢都係喺呢間學校度讀書既! 今個月要玩返個月先喇, 4月再溫書, 因為6月係考公開試, 呢個唔可以"肥佬"架, "肥"左既話, 真係樣衰

考完試就去紅磡, 因為有個小學同學結婚, 但見咁早, 行吓先都好喎, 不過都係要搵左間酒店喺邊先, 當我搵到既時候, 竟然見到我以前男朋友, 噢.....原來我小學+中學都有請埋佢, 佢見到我既時候, 仲同我講, 上面得好少人到左咋, 所以佢而家都諗住行吓, 仲問我介唔介意一齊行, 唔好啩, 我一口拒絕左佢, 我寧願自己一個人行。

行完上酒店, 我d小學同學仲叫佢幫我地影相, my god....仲要比我知道, 我同佢坐同一圍, 之後即刻扮傻, 坐喺小學同學嗰圍, 無"姑"的三位小學同學, 要你地坐喺第二圍, 真係唔好意思, 如果真係要我同佢坐埋同一圍, 我真係唔知可以點囉, 之前我同另一個fd咁講過"我唔想知佢d野, 我亦都唔想佢知我d野", 既然係咁, 即係冇話題啦, 無謂尷尬啦, 分開坐始終係好d既, 而家佢只可以成為我既"hi, bye"朋友, haha, 原來女人真係可以做得好絕, "再見不是朋友"對我黎講, 都係好d既。