弓痴花踩!!! 好忙的新年~XDD

恭喜發財

好忙呀~年初一就忙到年初四~唔係拜年就係打麻將

不過今年真係打少左麻將喎~(年年係日日打的XDD) 家下好似已經無咩興趣~

唔知係咪因為凍呀~自從去完旅行番來都好似無暖過~好似仲怕凍左

遲下我真係好似 D 公公婆婆拱樣..整定個平安鐘先了XDDD

講下我之前果幾日行程先~

年三十 :

放左工後約左炳友行街睇衫...個屎女包原身都係想剩係買帽的...點知佢就買下買下...就買左帽同褸..陣要買左即換 =0= ...買完我就回家執屋..而佢就..嘿....去食飯喎(咪即係飲野 一,一) ..理鬼得佢XDD

執左個幾鐘..累死我了...就開始 Hea 下..原身想搵村友去行花市探我老爸的...(我都係食團年飯先知原來佢係某花市開左檔熟食檔XDDD)..不過我 D 村友又走左出去旺角買衫...WOW...好凍呀...最終我都無出去...諗住係屋企等佢地番來先再去行花市...呢個時候又無野做...就睇番之前睇緊既日影啦....睇睇下原來係一套要喊既戲來...頂唔住流左二行眼淚出來...流完出黎先記得..頂丫今日係年三十 (即係初一凌晨)..撞鬼咩新年流流睇呢 D 野...痴根架咩我..想到呢度自己個心都笑左出黎XDDDDD

之後見村友仲未打來...又已經成三點了...天氣又凍...沖個涼之後訓 (我完全沒有呢個初一唔沖涼洗頭的習慣...我唔想一起身就乞丐頭的去人地度拜年XDDD)..沖完涼個村友先打來...嘰嘰....最終都係訓左....真係好好好凍呀果晚XDDDD

初一 :

好似十點幾起左身了...之後再約番個村友去食早餐啦...之後就上去佢家拜年...其實好多年我已經矛去 D 親戚度了...因為真係幾悶...黎黎去去又係問果 D 野...答既又係果 D 野...唔..對我黎講感覺上都覺得幾假的...唔多鍾意呢個感覺...

上到去 Hea 左陣..哈...又跟個村友去第二度、第三度拜年...好忙..其實係佢地家有 D 人要出去一陣先番來..(是大家族來的)..拱咪唔夠腳打牌囉...所以佢就叫我跟佢去拜年..都好啦無野做...(其實我唔係專登去逗利是的..我買果 D 禮都係唯唔番條數的XDDD)

YO~傍晚終於開檯了..打到八點幾同佢地一家出去食飯...之後再打多四圈..因為我又有下場了...哈哈...就係去 --- 掃街!!!

原來有 D 炳友有一年一度的掃街行動...我 Miss 左二次..今次點都要出下去一齊玩下啦..人物有 : 四爺/小智/東叔/我 (三個都好食得...得我係唔食得果個來XDDD)

十二點幾..四哥就渣車出來接我..(佢地已經係哂車入面了)...咁就其實想去官塘掃街的...點知去到物華街...嗚嗚..點解無既...之後就唔搵就直接去佢地年年都去既深水步了...(唉...其實第日我再出街既時候...先知道原來裕民坊同樂華村先有呀~裕民坊我仲要係親身見到的呢..吼吼...激死呀XDDD)

去到老深..嘩..好多人呀....食啦食啦....GOGOGO!!!

真係唔係講笑...個個檔都多人到要排隊的

嘩...我見到四爺呀..你地見到嗎XDDDD

呢檔其實係買腸粉的....最多人食的都係呢檔...(我心想 : 嘩~咁多人食一定好好食啦)...之不過...一食落口......唔滑既....一唔滑就已經唔想食...但係都好多人食...唔通真係餓得咁緊要..哈哈

不過我地真係食左好多野呀 : 沒有臭味的炸豆腐(臭豆腐)/普通魚旦/OK串燒/唔知好唔好食的大碌腸/OK牛什/我沒有食的煎餃子/一人四件半的腸粉 (一共三碟)/ 仲有最後先食的糖水 (唔知有矛漏...不過我唔係食哂都覺得好飽了XDDD)

都好快手呀..前後都係用左二個鐘咋..哈哈

睇下個垃圾桶...D 垃圾多到質唔哂..好似玩緊層層疊一樣XDDD

其間笑料 二則 :

1) 小智應該係好肚餓..佢一落車就即刻衝去 D 野食度..真係衝去的XDDD

2) 一落車...過馬路之際...四爺就話比利是我地...我地仲問係咪要一個一個的企係馬路拜年比車車XDDD

初二 :

以為今日會抖下..因為知道黎緊初三同初四會好忙..點知中午果時..突然有個小學同學打來...約左出黎去另一個朋友度拜年 (其實仲欠一個..不過搵唔到佢 >,< )...幾個都好耐無見了..很難得又會咁岩有時間見..真係要講緣份的呢...哈哈...點知一出黎就係講街市行情同最近很 Hit 的朋友閃卡 (我二個朋友都係男士來..其中一個結了婚的XD) 又講下以前既笑料...講講下都話大家很老了...有個講左句野都幾岩聽的 : 好多時都覺得好似尋日既事來...點知一轉眼就咁多年了...(我真係成日都有呢個感覺...正宗十三點來...嘩卡卡!!XDDD)

夜晚就同個蕃薯朋友食開年飯...諗住開年...食豪 D 啦...去左村友介紹的日本餐廳食日本野...點知比村友欺騙左...叫左個蒜片牛柳粒..出到黎係七彩牛柳片!!! 叫幾個壽司...D 飯同你隻手指尾拱幼!!! 叫個炸蝦..D 蝦完全唔好食!!! 最好食就係唔知咩長腳蟹菜煲XDD...因為唔會唔好食..成煲都係菜..(但係果 D 長腳蟹係發育唔健全的蟹黎整的..二隻腳仔 ONLY~XDD) 叫左個日本清酒....本身都 OK 的..唔知係咪因為佢 D 野食攪到連 D 清酒飲飲下都覺得難飲XDDDDDDDD

間日本野睇個款都係時日無多了...我本身對食都無我 D 朋友要求咁高的..我成日都話我無味蕾的XDDD..唉..點知連呢間我都吃不消..真係祝佢早執早著!! (我唔係黑心的..我為佢地好咋..無謂蝕錢同害人XDDDDD)

就係呢晚係裕民坊見到有得掃街...(有炸蠔餅/魚旦/橙色豬腸果D檔/有臭味的臭豆腐/魚旦/炒麵/呀)))))))陣有我最最最想食的九菜豬紅豬腸呀)...我真應該食豪 D掃街啦XDDDDDDDDDDDDD

夜晚去番村友到開檯了~~好夜呀...又四點幾先訓XDDD

初三 :

下午跟左蕃薯朋友去拜年同開賭局...(新年就係咁架啦..一年先一次XDDD) 原身仲打算如果悶既話就會打比炳友...去佢屋企拜年添....哈哈...不過夜晚食完個飯之後就一直玩到十二點幾...唔知點解呢..賭呢家野都麻麻地 (即係玩三公/射龍門呀之類)...我都係比較鍾意打麻將多...甩果下先好玩架嘛XDDDD

今晚要早訓耶...天日要一早去跳舞了...不過我都以為我訓唔到...我成點幾先起身...二點就要上床...好在凍..係被入面暖下暖下又訓左了XDDDDD

初四 :

食左早餐之後就去跳舞...嘩..係樓下大堂同街都好靜英英的...點知一上到去好多人..好熱鬧呀...因為今日唔係獨立導師教跳...而係全部導師一齊跳..同埋好似晏 D 四點幾有個芬奇舞的 Promotion..所以要番哂黎預備掛應該係XDDDD (走果時我見到佢地 D 導師練緊舞呀...好好睇呢...最衰無時間..唔係一定會去睇)

點樣全部導師一齊跳? 就係每一個導師跳二隻...有 D 導師跳完二隻就企係我地後面又一齊跳另一個導師既舞...有幾個導師仲一見有人影相就即刻擺 Pose..哈哈...佢地好好笑的...

我果一刻突然想起 : 係老師個 Blog 入面...有次話同佢地食Buffet...Jeffrey 話因為矛得食叉燒同炒飯所以覺得果餐唔好食XDD...所以我見到 Jeffrey 就想叫佢叉燒王子XDDDD

原來有好幾個導師我一直都未跳過的...因為我聽講佢地跳得好快架...好驚跟唔上...不過今日跳左一、二隻之後又好似覺得 OK...哈..下次可以試跟下佢地了...

下午就去左女兒國拜年同見下先...自我去完旅行後都無見啦 >,< 個幾月巧架住呢XDDD 等下等下...五點幾先人齊..於是去左樓下同屋主爸爸媽媽拜年...哈...今次 Uncle 話我最乖...因為我唔出聲....不過其他女兒國既朋友就話我唔出聲咋...一出聲嚇死人XDDDDD事實上我真係好乖的呢~呵呵XDD

原本我七點左右又轉去其他場拜年..今次就係另一班中學同學..又係真係無見好耐的..唔知點解今個新年 D 同學都來搵我...不過點知去唔成..原因有個同學因為番左大陸飲酒仲未搵到人...最後我跟番女兒國既朋友去第二度拜年...之前講好係去其中一個人既家打牌的...不過講講下去左第二度...哈...當然最後都係打牌XDDDD

原身想早點回家早點訓準備第日開工的....點知一攪..哈...又二點先訓到了

*******************************

忙~真係忙呀~往年既新年真係唔願去咁多地方...難得放四日嘛

不過都值得既...今年我都叫係四日見番哂 D 舊朋友/舊同學...

係唯獨爭一批中學同學未見番..真係美中不足呀!!!

想番以前一齊番學既日子/女兒國那時個個沒有男友的日子...好開心呀

希望每一個人日日都開開心心、快快樂樂 !!