瘋豬部落

這.......就是瘋豬的世界!!!!

歡迎光臨

留言

我的賀歲片2008

網誌分類：心中閃爍一席話 |

圖片
網誌日期：2008-02-25 16:07

從來都未試過新年會係睇咁多戲的~
一年都係睇得果十套八套~已叫好多了~
呢個新年(二月)就差唔多二個星期內睇左五套戲~
好在都唔係太差的~

魔法奇緣 (Enchanted)

主演 :
柏德烈丹斯 (Patrick Dempsey)
愛美雅當絲 (Amy Adams)
蘇珊莎朗頓 (Susan Sarandon)
占士馬史頓 (James Marsden)

童話中的芝莎公主被巫婆推落深淵，通過神秘出口，竟來到現實世界的繁華紐約！芝莎公主人生路不熟，幸好得到失婚律師羅拔和他的小女兒悉心照顧，在冷漠都市總算找到溫暖。芝莎公主人每日在烏龍百出的生活中，期待艾華王子由童話世界前來營救。王子遲遲未現身，芝莎和羅拔開始日久生情。那邊廂惡毒女巫與奸大臣前來追殺，一於毒蘋果侍候，要公主一去冇回頭！危險關頭，艾華王子為救回公主，冒險追到現實世界……

看後感 : 唔知係咪女性會比較愛睇....果日有東叔、雞仔、小智、涼涼、Bonnie同我一齊睇..點知坐我隔離既小智竟然訓左 ...而東叔同雞仔覺得悶..只有我同涼涼及Bonnie先話唔錯...童話故事...當然係女性至愛啦

...哈哈...入面有幾隻歌都好好聽的...當中一隻 "So Close" 我特別喜愛

(歌詞已寫左係我Blog入面度)XD

魔街理髮師 (Sweeney Todd)

主演 :
尊尼狄普 (Johnny Depp)
凱倫寶咸卡達 (Helena Bonham Cater)
阿倫力文 (Alan Rickman)

影片改編自史提芬辛咸的同名得獎驚慄音樂劇，講述由尊尼狄普飾演的Sweeney Todd，遭人陷害被關進獄中，飽受摧殘，其妻子及女兒更遭不幸。他出獄後誓報冤仇，成為詭異神秘的理髮師，假理髮之名，冷血剃殺仇人。

看後感 : 睇呢套野之前我已經DL左佢既原聲大碟...大致上都知道係一套音樂劇來...我其實都未睇過呢D音樂劇的戲的...之前貝隆夫人...好想睇架...不過當時無人陪...只有買佢隻原聲大碟黎聽....今次竟然有人陪喎..就一定要睇啦...唔..其實有少少比我想像中悶...個故事唔錯的...唔知係咪我唔岩聽果D歌呢...不過因為第一次睇...感覺上都唔會太差的...仲係第一次聽到 Johnny Depp 唱歌...哈...佢唱歌都OK架...但係同我去的友人..竟然訓著左...激死激死!!! (坐係我隔離果D都訓既..

WHYWHYWHY

)

留給最愛的情書 (P.S. I Love You)

主演 :
希拉莉詩韻 / 謝拉畢查 / 麗莎古杜 / 夏利高歷 /
珍娜姬遜 / 謝菲甸摩根 / 嘉菲比絲

荷莉甘迺迪 (希拉莉詩韻飾) 是一位美麗時髦的時代女性，與青梅竹馬的玩伴謝利甘迺迪﹝謝拉畢查飾﹞結了婚，謝利是一位有趣但又性急魯莽的愛爾蘭人，他們互相了解，熟悉對方的一切。兩人生活原本幸福美滿，羨煞旁人，但天意弄人，謝利不幸得了腦腫瘤去世，留下荷莉一個人，獨自面對未來。

謝利的離世幾乎令荷莉崩潰，可以令荷莉再站起來的相信只有最了解她的
丈夫，幸好謝利在離世前已作好安排，他了解荷莉會因他的離世而沮喪，所以事先預備了12封信，伴她度過頭12個月沒有他的日子。

第一封信在荷莉30歲的生日送到，並附上生日蛋糕及謝利的錄音帶，囑咐她要出外和朋友慶祝生日。之後她陸陸續續收到謝利以不同方式留給她的信，每一次她都有一個新的體驗，有新的得著並重新認識自己•••每一封信，謝利都以一句 “P.S. I love you” 作結尾，讓荷莉仍然感受到他對她的愛。

荷莉的母親卻擔心這樣反而會令她對謝利更加留戀，更加依賴，但事實是每一封信都引導荷莉向前看，讓她對婚姻、友誼有新的看法，知道濃烈的愛可以轉化成為動力，讓她走出陰霾，在自己的人生旅途上重新出發。

看後感 : 嘩...好睇...真係好睇...果然不負我所望!!!

差點淚出眼淚來...

緣份吹吹風 (Love and Other Disasters)

主演 :
碧坦妮梅菲 / 聖地牙哥卡巴拿 / 麥菲賴斯 / 嘉芙蓮達蒂 / 當尼法蘭治

故事發生於英國倫敦的璀璨都市裡，積絲（碧坦妮梅菲飾）貴為時裝潮物VOGUE雜誌副編，自命是大眾愛情專家，最鍾意替朋友扯紅線做媒人，她的同志室友彼得（麥菲賴斯飾）更是其緣份配對的重點對象。誰不知一夜間殺出個絕世型男保羅（聖地牙哥卡巴拿飾），這對男女先後上晒電，但又不捨得放棄腳踏的幾道船；最重要是，言行舉止帶點camp味的保羅究竟是直是孿？積絲、彼得深諳是時候出手為自己緣份舖路，連二接三考驗友情的「爭仔風暴」在所難免……

看後感 : 哈..其實無心睇呢套的..不過有朋友送飛來..打死都去睇啦...之前無睇套戲講咩的...睇睇下又幾好笑喎原來...最好笑的係個基佬...很可愛...唉..佢入面有隻歌

好好聽的...不過我搵黎搵去都唔叫咩名呀...等佢出左VCD去租黎睇多次先!!!

長江7 號 (CJ7)

主演 : 周星馳 / 徐嬌 / 張雨綺

一個窮困潦倒的父親（周星馳飾）帶著兒子小迪（徐嬌飾）住在一棟破舊屋裏，一家依靠爸爸做苦力維生，還常常到處撿破爛當家用。
　
望子成龍的爸爸，咬緊牙關希望小迪能夠入讀明星學校，更不惜賣命掙錢支付高額的學費；而小迪也因家境清貧之故，經常成為師生取笑和欺負對象，唯獨美麗善良的袁老師（張雨綺飾）對他始終不離不棄、關愛有加。看著同學玩著新科技玩具狗「長江七號」，羨慕的小迪整天吵著爸爸要買一隻來陪伴。禁不住兒子的要求，袋裏空空的爸爸只好把從垃圾堆裏撿到的塑膠球帶回家當禮物。不料，這顆球不但變身成一隻可愛的外星生物，還身懷超常能力！歡喜若狂的小迪將這個新朋友命名為「長江七號」，並偷偷瞞著爸爸和同學將它帶到學校作伴，期望它能夠教訓欺人太甚的同學，以及解決學校裏所有疑難雜症。

看後感 : 點解要等到最後先睇? 因為知道周星馳既戲有排上囉...不過好多人睇了都話今次佢D戲唔好睇...垃圾一樣...不過因為我鍾意周星馳...好唔好睇點都要自己去..這就是情義結

...哈哈...今次去睇呢套..仲平左..原身我打算拎我老闆給我的免費戲票去換...點知家下都係買 $45..張免費戲票係值 $60..咁梗係唔好蝕比錢去睇..留番下次睇讚野果時先用了.....睇完後我覺得...都唔係想像中太差者...都叫OK...係就係周星馳出場少左D...可能今次玩煽情...D人咪覺得同以前唔同左囉...人總為是有轉變的...如果佢做番以前果D...你會唔會睇足一世都唔厭嗎??