網誌分類：未分類 |
好耐無同大家係Blog見面，今次想同大家分享一部好戲---『南京！南京！』。有關於發生係1937、38年左右日本侵略中國當時ge首都南京ge電影已經有十分之多，可能有d十分之悶。但lee部片除左史實以外，另加入左d藝術、感人ge場面，所以十分吸引我，唔會覺得悶。其實，我對於當年日本侵略南京事件只知一d零零碎碎ge片段，一知半解，點解我祖父母講親日本人，都會用 “死人xx仔”(PS︰廢事被人告，你地估下xx係咩la)稱呼佢地？當時侵華ge日本士兵，係咪全部都係無人性呢？
整部戲，最深刻印象ge係日本軍人咸濕到死，四出強暴婦女，也威脅要難民區交出一百個女人做慰安婦，應承三日之後放回佢地，結果只有6個婦女能返回難民區，實在太恐怖la！！套戲之所以好睇，係導演都好公正，無一味描述日本皇軍ge殘暴，當中也揭示左有d有人性ge日本軍人，因為要服從皇軍命令，被逼變態咁殺人，見到中國人ge淒涼而感內疚，對於遠遠來到中國做咸濕軍人ge慰安婦(日本女子百合子)心生憐憫，結果lee個軍人‥‥(自己睇la)，我都相信當年一定有lee d好ge軍人。
所以呢‥‥‥lee段歷史中國人係唔會忘記，只有原諒！
May姐
Fonda 2009-06-09 08:45
順帶一提，對此話題有興趣者，真的要去一去位於南京的「南京大屠殺紀念館」。十分值得。
本人早兩年去已重新裝修，設施先進，中英日文齊備，單是建築物已令人嚴肅起來。內有從多方面展示當時的起源、經過、結果，資料詳盡充實，有些實物/資料/圖片是中史書沒有的。
但重點是該館沒有十分煽情地重提事件，但較像是中史書般，各方的優劣都有提及，感覺較客觀地把情況重現。
而其他於裝修前曾參觀的人都說館內的展覽已比重前「減輕」了很多，未知是否中央已放棄煽情的手法去喚起大家的憤慨。
雖然如此，但對完全沒於戰亂時代生活的新生代，起碼對我，震撼的感覺至現在仍然存在。
中國人，應要知少少中國歷史 / 近代史.
你又有否記得中史教的點點呢 ??
Fonda 2009-06-09 08:24
我無睇這部戲，但當看另一以同時期為背景的戲「葉問」時，聽過另一些意見。
戲中都有描述日本軍人有良心(相對地...)的一面，我正和大家一樣覺得部份日本長官不是太衰時，同行的朋友提出對電影的不滿。
他質疑該日本軍的思想教育下，長官不會有有良心的思想(本人不熟識這方面，不能確定)，另一方面提出，"影片要買向國際市場"，故必需不作些平衡。故是否寫實是成疑的......
um....都有呢個可能... ^^
靚女妹妹仔 2009-06-03 01:50
其實這部戲最成功之處是它並不像一般描述有關南京大逃殺的電影"把日本人描述如酓獸一樣"，它只是輕輕地提及過一些日本人不對的行為。這樣才可讓日本人接受這部電影而且能讓他們左看有關事影時能更了解事件的發生經過。
牙ｋiｔ 2009-05-19 11:53
套戲我也有看 ...
最深刻都有幾幕，特別係「大屠殺」同「扔細路囡落街」呢兩幕，真係震憾人心 ...
我都認同當年班日本仔總有ｄ有良心既，但我相信唔會多，萬中可能得果一個，結果可能好似戲中個日本男主角最尾下場咁 ...
但可能今時今日，部份港人對呢套戲當睇歷史戰爭片咁，當日在場，竟然有部份觀眾話「咁悶架，早知唔聽啦」、「黑白片，早知唔睇」等等。心諗：哇！大佬 ... 你冇感觸架？你係咪中國人黎架？嗚呼哀哉！