我的偶像~鄭伊健~

尋晚收到路比帶來既好消息~伊健12月18,19號開CON,2/11-6/11優先CREDIT CARD訂飛~哇~尋晚全晚訓唔著咁滯,訓下醒下夾夾埋埋都係訓左3粒鐘左右啦~無辦法~因為太興奮..一訓就發夢同伊健傾計呢~又怕遲左起身買唔切飛~哈哈~所以我今早一起身就唔返訓~由7點幾開始打電話去訂飛~~務求一定要撲到飛為止~不過真係好開心~因為晞晞爸-奶仔同晞晞B都好支持我去睇伊健呢~因為奶仔D性格,平時佢一定唔比我去啦~今次仲同埋我一齊去tim~佢話"你有幾可丫,你得一個偶像之嘛,依家唔睇等幾時?"今朝晨早流流狂打電話去訂伊健飛,8點57分打通左,個售票員唔知係唔係唔小心CUT左我線~我幾灰呀.....又繼續狂打....哈哈~9點3比我打得通~成功撲左3張(我同奶仔同晞晞契媽)~~Thanks god啦~~無辦法,由細到大都係得佢一個偶像~佢開con我有咩理由唔支持?由細細個13,14歲到依家都成30歲啦~原來我都幾專一架!!嘻嘻!.突然間好似返左十幾年前既感覺咁...

繼12年前伊健<22098全城效應>演唱會之後~就到2000年<仲夏夜狂想曲>之後就無見過伊健了~一等就等左12年啦~記得我係岩岩同奶仔一齊左無耐去睇伊健~依家結埋婚生埋女,時間真係過得好快呀!!由佢同邵美琪Maggie到梁詠琪GIGI依家蒙嘉慧YOYO~~好多年了....希望YOYO會係佢終生伴侶啦~因為我都覺得YOYO幾好,無咩負面新聞~感覺好嘛~~KAKA~~

加埋今個星期有一個機會,可以近距離見到伊健,簡直太開心了~乜野機會?哈哈~唔講住~總次係正途啦~成功左先!!哈哈!

呢隻係我咁大個女第一次自己草$買既CD黎架~~撒哈啦~

之後到EARTH

跟住好多好多~~點都好,我永遠都會支持伊健既!!.....