2008

超級懶既我終於update個blog喇！所以我決定寫個０７回顧＋０８展望啦～（嘩老土到呢．．．）

０７回顧：
－Hocc Concert~終於見識到佢Live既魔力～
－畢業啦！！終於離開溫室面對世界．終於愛上讀書既感覺，不過愛得太遲喇．
－雙失青年症發作，３個月處於「擔驚受怕以為會餓死自己瘟臭屋兼難以面對社會工作壓力」症狀下生活．表面乜事都冇，私底下怕得要命．
－誤打誤撞見成工，正式步入社會大學進修EQ同社會經驗．
－LN正式被３位主持人進行永久性 Skin Collecting Operation．．．我會掛念你．
－因為工作關係，第一次去Charity Ball，好玩！
－同上，但係今次入賭場，好浮誇既裝修呀！冇賭，但係行到冇左對腳．
－有數對朋友決定要踏入人生另一階段，恭喜恭喜．．．亦代表我要開始籌款（放血）喇．

０８展望：
－Eason 要開Concert喇！！一定要睇！必睇！Must睇！！！
－Emm...學車＋考車牌（請給予無限量既支持．．．我．．今年會考架喇．．．）
－做好份工．目標：少錯＝進步！
－識多ｄ人，去多ｄ旅行～下個目標，台灣見好友．
－Check 牙．．．Bok暈自己都要做．．．（超級牙醫恐懼症）
－儲＄．
－．．．世界和平？（好行，But我是認真的．．．請相信我．．．吧！）

祝大家新年快樂！