生日禮物－給自己的情書

今朝起身check email，收到一封好特別既電郵．
呢個電郵係２００６年１月既我通過futureme.org寫比自己既一封信．
信中充滿住我對而家既我既祈望，
而字裡行間仲戴住對未來既憧憬同幻想．

睇完呢封信之後，
眼眶發熱，心情更加係百感交集．
有幾個以前希望自己可以做到既事情，
因為種種原因而冇做到．
估唔到係１年半內，人同事既變化原來可以好大．

今年生日好特別，因為我收到既第一份禮物係２００６年既我送比自己．
信入面提醒我要學識愛護自己，
而呢個亦會係我今年既生日願望．
我唔單只要快樂，仲要學識愛護自己．

我今日寫多封信比 Future Me，
而今次收信既將會係３年之後既我．
我，一定會努力唔比自己失望架！