小忌廉再度發行

"我係小忌廉"又黎喇。

記得細個最鐘意睇既卡通片就係"我係小忌廉"﹐羨慕小桃可以變成為另一個人﹐變成靚靚既小忌廉上台唱歌﹐仲有發覺頭髮除左黑色仲可以有小桃既"地球"色同小忌廉既紫色。

想儲齊一套完整既無記電視版"我係小忌廉"好耐﹐搵黎搵去都唔齊﹐小忌廉既野亦都買少見少﹐好後悔冇買到大果枝神仙棒﹐細果枝又俾小小係27樓既屋企窗口掉左落街﹐屍骸都搵唔返﹐我果時都唔知喊左幾耐﹐心痛死我呀。

而家d卡通片真係愈黎愈唔好睇﹐什麼Pokemon﹐Keroro﹐完全同以前既叮噹﹐Q大郎﹐千年女王﹐藍精靈﹐飛雲.....冇得比﹐唔知有冇人記得有一套叫"鬼馬砵砵車"既卡通片﹐好好睇﹐好好笑架﹐但冇人記得﹐問親d人都話冇印象﹐真係可惜。