前排發左個夢﹐仲俾呢個夢嚇醒左﹐到而家都瀝瀝在目﹐仲諗住。
個故事係發生係我香港既廁所﹐話說﹐我去廁所沖涼﹐一閂門﹐一轉身﹐見到有舊野係門邊﹐ "控"個頭埋去一睇﹐彈開都彈唔切﹐見到既係一舊內臟﹐唔知胃定肝既物體﹐血淋淋﹐擰轉面﹐又見到一舊係sink下面﹐再望下望下﹐仲有隻手係廁所隔離﹐嘩﹐個感覺超驚﹐但唔知點解冇即刻走﹐仲沖左一陣涼﹐但沖到一半﹐又嬲住條毛巾去左出去﹐見到我妹係廳﹐同佢講見到既野﹐於是佢入左去睇﹐出返黎同我講話隻手係手套﹐叫我睇清楚﹐擾攘左一輪﹐終於又入返去睇﹐見到冇晒血﹐d野全部係假既﹐隻手都變左隻洗碗果d膠手套﹐到呢度就醒左。
唔知呢個夢有冇咩意思既呢﹐查下解夢書先希望唔係d咩衰野啦。
