BB諸的第一次INTERVIEW@迦南 + 花仔衫

昨天是BB諸忙碌的一天 (即係爹爹同媽媽更勞碌的一天)

首先, 就是準備BB諸的一件大事 -- 第一次幼稚園面試!!

由於BB諸同爹爹媽都無經驗, 所以講真又真係唔係好緊張, 反而經POLLY姨姨提點後, 前一日已開始盤算各人的裝束了. BB諸的"戰衣", 其實我已一早諗好, 但我跟爹爹的衣著, 就真係無諗過了, 所以最終都只係穿了最最最百搭的"牛仔衭", 哈!

(呢套衣服係咪好醒神哩! --- BB諸於INTERVIEW的幼稚園門外留影)

至於BB諸的INTERVIEW表現.......其實都唔知算好定唔好, 因為估唔到BB諸係INTERVIEW時的表現會比平日更百厭! 平日唔做的, 當時做到足!! 但點解我都仲覺得有好處?? 因為我覺得BB諸真係表現自我, 因為那刻算是最百厭的BB諸了!! (佢未內房INTERVIEW之前, 都仲好禮讓的)

入到間INTERVIEW的房時, 可能同場都有另外3個小朋友INTERVIEW緊的原因, 所以其實房裡面十分嘈吵, 好熱鬧 (THAT'S WHY我完全唔緊張!), 一坐底, BB諸已自己拎起O的玩具黎玩了 (真夠主動哩!)...以下就是老師與B諸的對話 :

老師 : 嘩, 小朋友, 呢個甘靚仔既 (指住APPLICATION FORM的照片), 邊個黎呀?

BB諸 : 賢....

(老師唔知明唔明BB諸係講緊自己個名....心情緊張中...)

老師 : 小朋友, 你叫咩名呀?

BB諸 : 賢......

老師 : 哦......你叫亞賢呀, (終於明白佢講緊賢係指自己個名, SO GLAD!)

老師 : 甘你幾多歲呀?

BB諸 : 2!! (豎起唔知幾多隻手指甘講.....)

老師 : 哦, 兩歲呀! 甘你係男仔定女仔呀?

BB諸 : 未......(問非所答....唉! 即係唔識答啦!)

老師 : 今日邊個陪你黎呀?

(BB諸一開始唔知問咩, 然後指住我問呢個個邊個?)

BB諸 : 媽媽!

(再指住爹爹)

BB諸 : DADDY!! (好彩唔係答爹爹, 唔係老師又唔知你答咩了!)

老師 : 甘你搭咩車黎呀?

(BB諸好茫然甘答車車...)

媽媽 : (此時插咀) 紅色果O的叫咩呀?

BB諸 : 車車.....

老師 : 的咩呀?

BB諸 : 士.....(其實都唔知老師當唔當佢識答, 哈哈!)

之後老師同BB諸玩玩具, 好彩問佢顏色都識答 "RED , BLUE, GREEN...."

但當老師叫BB諸係個箱度拎同一樣顏色的玩具時, 一開始BB諸都好合作甘拎左2次, 但第三次拎GREEN色的時候, 百厭BB諸出現了! 佢一手潑潑潑, 將箱裡面的玩具潑晒出黎, 之後自己係度笑 (一幅奸計得逞的感覺) 當然最終都有拎到一個GREEN色的玩具俾老師, 但已令我同爹爹在旁"啤一聲"了! 最攪笑係, 當老師繼續問BB諸下一條問題時, 佢竟然無答, 只係好專心甘將剛才潑晒出黎的玩具放返入個箱度, 哈! (真係唔知你甘做係好定壞!), 之後, 更一度離開位座位, 要去隔離桌拎其他小朋友的玩具呢? (嘩, BB諸, 你先前的禮讓表現去左邊呀?)

綜合當日BB諸的表現, 其實媽媽都唔知呢間幼稚園會唔會收你, 因為要等3個星期先有收生結果, 不過我地都唔敢諗啦! BB諸, 希望你聽聽話話, 唔好再無端端變百厭諸了!

BB諸係幼稚園內的遊樂場玩得好開心哩~~

之後, 約左JACK & MANIS去買BB諸的花仔西裝, 呢套小禮服著起好SMART呢! 不過希望BB諸係JACK哥哥同MANIS姐姐行教堂時的表現好O的, 唔好成日大叫嚇親人就好了!

(正正經經的一幅相!)

(擺個懶CUTE的POST影多張!)