星期六︰
同事結婚，下午係教堂行禮，本來想請半日假的，但實在太多野要做，所以放棄請假，係在公司忙到5點半先去飲。
無啦啦新郎哥 (即我同事) 要我同其他兩個女仔上台講段英文故仔，佢自己寫既童話故事，介紹佢同佢老婆係點識既。練習左成兩個禮拜，讀到都差唔多識背咯~ 終於都搵到讀童話故事果種感覺，覺得自己應該ok唔失禮..
去到先知... d 大學教師呀、professors 呀等等 會唔會多左d呀，要我班門弄斧，仲要第一次係甘多人面前上台講野，驚到我膽到跳埋出黎!
不過，果晚都幾好玩，其實都係得我地果台年紀最細果班人係甘講笑係甘玩，飲到成11點半先走... 反到屋企成點鐘 = =
星期日︰
機構步行籌款日，係山頂搞。9點半要去到幫手，者係我7點半 - 8點要出門口。我好懷疑我琴晚究竟有冇訓到教 = =
第一次搭山頂纜車唔係 for 觀光既，感覺都幾特別。9點半去到，活動11點開始，搞下搞下，係 counter 狂 organize 同執野，1點大家行完，我仲要同幾個同事運返d物資返公司，搞下搞下兩點先走得。
返到屋企3點半，4點達落床.... 一訓訓到第二朝中午12點，其間只係起過一次身沖涼同去廁所...
攰到開唔到眼都係第一次... 連電話係我隔離響都聽唔到...
點知起身發覺...大鑊! 運野運得落力得濟，我右邊身成邊背脊扯住扯住，想企起身，條腰冇力，對腳腳軟 (星期日企得太耐，仲有星期六去飲發姣著高爭鞋累事!)，爬係到條腰仲痛到要叫呀媽添!
星期一︰
2點返到公司，又繼續搞籌款既野。雖則步行日完左，但我仲係俾一大堆既 收據同 Thank you letter 仲有新黎既 donation 淹沒左。前幾日，2個鐘裡邊，開左2本半收據簿，真係誇張!
d人都唔知係唔係路，捐廿蚊都要我 send 返收據俾佢地 = =
其實本來真係唔想返工，但被 assigned 左要去機場接個加拿大黎既教授，所以冇辦法。以為負責搞任何 training course都係我，director話想我接觸哂所有野喎 = =
佢俾 director 封 email 寫佢會搭中國東方航空 MU203 7點到香港。
6點半去到機場，先去買左 Airport Express 來回車票同八達通俾佢。睇一睇個 broad，冇 MU203 喎! 唔通係航空公司改左 flight no? (因為我搭西北去美國就成日都改架喇，慣左!) 甘 6點9有一班 MU xxx，7點半又有一班 MU xxxx，我以為係呢兩班是但一班啦!
但好衰唔衰，一班係 A gate 出，一班係 B gate 出，者係要我兩邊走 = =
係 B gate 等到7點9，冇人。6點9到，當佢7點鐘落機，9個字仲走唔到出黎!? 走過 A gate 又等下，等到8點幾，唔係路，唔通我眼大睇過龍，miss左佢，佢又等唔耐煩自己走左去酒店!? 打電話去酒店問佢有冇check in到，冇bo~ 甘者係有可能仲係機場啦... or 或者根本未到...
再等多左一陣，又兩邊行下睇下見唔見佢，真係唔路啦，係時候打電話求救。打左俾 Jenny叫佢上航空公司web site check下，佢話 MU 203 係西安飛香港，4點幾已經到左架喇。但佢又未check in 酒店喎，唔通佢坐下一班? Jenny 話下一班係11點先到香港呀! = =
好啦，收左線，即刻再打去酒店再問多次! 佢CHECK IN 左! 仲幫我接埋上房!O___o
同呀教授講話我係機場等左你2個鐘呀 (其實係3個鐘先岩，果時都9點半喇!)，佢話佢非常sorry，因為佢miss左西安班機，所以佢坐左另一班去左琛玔，再自己坐巴士過黎香港! 佢唔記得左問director羅電話，所以搵唔到我地，只可以 send 個email俾佢，但冇回應。(梗係冇回應啦，放左工邊個會得閒check公司果email! = = )
算啦... 我應命。同佢講我有d野要俾佢架，如果依家去酒店得唔得呀? 佢話冇問題。
甘我就死左去搭機場快線去九龍站再飛的去酒店，第一次坐機場快線，真係貴得有道理既... 唔洗20分鐘就到九龍，飛埋的去，搞到10點幾先走...
衝左兩日，雖然都訓返廿粒鐘，但係我都仲係好攰，又要係機場白企左3粒鐘，我個頭痛到爆，又腳軟又四支冇力... 返到屋企由係沖完涼達落床就唔想起身喇!
今日︰
起身時，終於覺得體力返左黎。終於有返d精力去做下家務，達地成個禮拜冇拖到，d碗又未洗...
搞點哂就去左睇條腰，依家係達野敷左係我個背脊到，醫師仲話黎緊呢兩三日都要日日去敷藥，之後一個月要睇兩、三次，我條腰同坐骨神經痛先會慢慢好... 破產喇! T____T
聽日又要6點半出門口返公司運野過講 talk 果到...
真係人做文職我做文職，點解我做到好似苦力甘架! 
小Nel活在雅絲提 2009-12-09 21:41
♡喵so (ΦωΦ) 2009-12-09 17:26
腸仔~* 2009-12-09 02:52
成個禮拜冇拖地洗碗
Chad哥冇幫下你做家務嫁咩?
Genie 2009-12-08 23:27