懷念～

放完新年假之後，我到而家都仲未能夠回復心情工作，依然係好懶散，ｏ岩ｏ岩上ｆａｃｅｂｏｏｋ睇到一ｄ中學同學開心出去玩ｏ既相～見到佢地咁，令到我更加有放棄ｏ既念頭，我都好想可以好似佢地咁玩法，或者對好多人黎講係好普通架咋，但我真係好耐好耐冇試過啦～每日都係返工放工，再返工，再放工，返屋企訓覺～起身又返工～唉～出去玩ｏ既時間都冇呀！如果要我咁就一世，我會死唔眼閉架！

每一日都係返工，朋友仔約我出去，我永遠都唔得閒～因為工作～我覺得一個２０歲ｏ既女仔ｏ既生活唔應該係咁架，係應該出去玩多ｄ，趁而家仲有青春ｏ既時候出去玩～

好多人讚我勤力，話我好識諗，覺得我做人做到好開心～你地算係冇講錯ｏ既．．．但呢ｄ係一ｄ好表面ｏ既野，我好清楚知道，呢ｄ唔係我想要ｏ既野，因為．．．〝其實我不快樂〞！我已經做好多好多ｏ既野去令自己開心，但而家開始失效喇～我越係去令自己開心，就越唔開心．．．

而家每一日都係帶住個冇靈魂ｏ既軀殼出去．．．我真係好想放棄！