基督徒v.s. 非基督徒

有個朋友怒氣沖沖咁打電話來, 佢話佢一個朋友來自一個基督教家庭, 父母都有穩定的教會生活, 但就是不放心個仔, 成日都偷睇個仔的電話私人sms, 仲有佢爸媽係教會同係屋企又係兩個樣, 簡直好似雙面人咁...  佢話咩d基督徒都可以咁的咩?

咁究竟基督徒同非基督徒有咩分別呢? 其實分別唔係好大,只係在於基督徒肯對神認自己做左唔好的野, 但非基督徒未必會認。其實就係咁簡單, 基督徒一樣都係會做壞蛋野, 其實同普通人無咩分別。

我有一個朋友, 佢係基督徒來的, 佢話佢無試過用唔同的尺去睇基督徒同埋非基督徒, 呢個真係有d難度, 唔好話出面的人對基督徒有佢地的基望, 就算係基督徒自己, 點都會對基督徒有dd的fantasy ...

不過, 我最想講的係, 其實除左基督徒自己知道自己會做壞蛋野, 另一個最知道佢做左壞蛋野的就係神,

聖經話:  唯有基督在我們還作罪人的時候為我們死,

               神的愛就在此顯明了.

神睇穿晒我地的壞蛋野, 佢都一樣咁錫我地, 一樣無離開我地, 呢個愛真係好高層次, 成日都話要學習神的愛, 如果好具體咁去講, 神知道我地做100件壞蛋事, 佢都對我地咁好, 我地知道我地弟兄姊妹做1件壞蛋事,我地都試下用愛心去包容接納, 咁我地只係學習左神的愛的1% (不過呢1%當然唔易學啦) 

咁我又諗番我自己, 我何止做一件壞蛋事, 簡直係千千萬萬件咁多啦(呢個係用番三福每日一罪的計算方法, 265x 28 = 千千萬萬), 哈, 都依然有唔少的包容, 簡直有少少萬千竉愛在一身的感覺...