幾分鐘的約會...

尋日朝早坐地鐵, 咁o岩有個男人同我一齊入車, 我快快手咁坐低左, 佢好似想揾位坐, 咁我就話佢知我隔離有兩個空位, 示意佢可以坐過來咁啦...

跟住佢就同我搭訕囉wo, 佢問我做咩, 我話讀緊書, 跟住無咩野講...

佢無端端問我識唔識打字, 我話識咁啦, 佢又唔理我, 係咁伸隻手去我o個邊話教我打字, 我咪縮縮縮咁囉...

我又唔想因為佢走去第二個位度坐wo...  (事關第二個位已經無得坐)

咁我係調景嶺落, 佢係觀塘落, 佢到差唔多鑽石山站就已經係度話想同我做朋友... (我扮聽唔到), 隔得兩個站, 佢又話, 唔知係呢程地鐵之後, 可以點同我聯絡, 我又扮聽唔到 .. 再隔兩個站, 佢又話好想同我傾計, 跟住我話唔洗啦... 

差唔到觀塘, 佢又話好想同我做朋友, 唔知幾時有機會同我傾計, 我忍唔住話: 如果下次係地鐵再見到, 先再傾計啦...  咁佢就無野再講啦...

不過, 下次都無機會俾佢見到我, 因為佢係盲的...