2008日本之旅 day 5 滝上芝櫻公園,上湧鬱金香花園

今日係賞花日, 由於地方偏遠, 我同哨牙仔仔又無租車嚟揸, 如果自己坐車去又實在太麻煩, 所以join 咗個 local tour!

***上午....滝上芝櫻公園, 中午....水紋之駅食自助餐, 下午....上湧鬱金香花園***

呢張海報上面嗰兩幅圖介紹嘅就係我哋去嘅滝上芝櫻公園同上湧鬱金香花園, 至於海報下面嗰三幅嘅地方因為要星期六,日至有團出發, 夾唔啱時間所以就無得去.....

唔使我介紹都知道呢個就係滝上芝櫻公園啦....

天色陰暗無陽光........但總算無落出雨 

等我揭開芝櫻嘅真面目啦....

日本仔真係咩都有得食, 芝櫻味雪糕你又見過未........最特別係呢杯雪糕係完全冇芝櫻味嘅.......

呢度就係午餐的地方喇....

呢個自助午餐都有幾多嘢食, 味道仲唔錯添(雖然啲相就影得樣衰啲).....

張相裡面嗰兩隻杯有啲特別,你哋又估唔估到

食完豐富嘅午餐之後, 就出發去上湧鬱金香花園喇....

嘩....好鮮艷呀....

呢種鬱金香係咪好特別呢? 我就覺得好靚喇.....所以俾咗個大特寫佢....

紫色嘅鬱金香都好少見喎....

用鬱金香砌成嘅熊貓幾有心思.....

走嘅時候, 導遊每人派咗一個叮噹最鍾意食嘅豆沙包, 由於口痕嘅關係, 响車度即刻試咗味........唔使錢真係零舍好味道.....

晚餐就係得咁多咋...不過呢個响便利店買嘅帶廣名產豚肉飯真係估唔到咁好食, 真係後悔冇買多一個呀, 至於旁邊嘅芝麻味串團子我就覺得麻麻哋, 哨牙仔仔就覺得好好味....

晚餐食得咁少都唔係我哋嘅作風....呢個唔使多介紹就知道係宵夜啦.....

今日嘅行程又完喇.....

待續.....