童女惹魂 2

        上集講到，兩歲小童不懂扮野，如此舉動，唔使有陰陽眼，唔使占支卦都知間屋有鬼啦!!!
        入屋習慣，當然係望下個神位。上有關帝爺，中格祖先，下格地主，全部黑蚊蚊，唔慌好野，再度下個神位，原來放在黃泉煞位，此位甚煞，聽到個名都知啦。相信靈體藏於香爐之內。怪不得細佬女每晚見鬼。
        見鬼個細佬女午睡行出來廳面，咦!咁得意既，咁細個就蹺行喎，神童黎架，多口問句媽媽，幾多歲呀!咁叻既，媽媽答我 : {佢巳經兩歲肋。}嘩!唔係嘛，兩歲大既BB好似個公子咁既，細粒得難以形容。為了恐怕未替事主神位開光及淨土，所以將一條避邪符交予媽媽放好在BB枕頭。
         翌日接到BB媽媽電話，BB整夜沒有喊過。哈哈哈!!!果真神機妙算，葯到病除。
為了夜場夢多，再隔一天夾0岩間屋坐向，就立刻將神位開了光及淨了土，滿以為大公告成，水到渠成。原來我的法力只可以維持了一天。在開光完成後的一天確係相安無事，到了第2天的晚上已經接過了BB媽媽的電話，BB女不肯往床睡，更指住窗口的牆角位大喊，又全身震抖。因為時間很晚，所以應承翌日才探訪。
          我當晚徹夜思量，開光應有功曹到，亦用驅鬼符驅去靈體，為何BB女仍見鬼，我開始對自己的信心動搖了.................
          莫非是BB女...................