唔知忙乜．．．

好似全能中場話齋，我又真係好耐update個blog，其實我都有好多野想打！！

例如之前阿朋友仔請咗假諗住去歡樂谷玩機動，原本應該好開心既，點知佢唔見咗張回鄉咭，最後去咗補領回鄉咭（點知最後咭都未拎，佢竟然响屋企搵返）啲人真係有錢！！

仲有個朋友仔帶埋佢哈士賓返嚟一星期，我哋去咗海浪公園玩，隨咗睇館外，佢無乜野玩得，諗住玩個比較唔刺激星際蜘蛛(韆鞦)，點知排排下隊有講播話孕婦唔玩得，真慘！！同埋我原本玩機動都唔係太驚，果日啲朋友係咪講埋啲跳樓機斷腳事件，過山車飛咗個人出街等，搞到我果日玩乜都驚．．．．．

同埋同事鼻屎小姐結婚，我哋個個都盛裝出席，幾難得呀！！雖然鼻屎着住晚裝，但佢講野同平時一樣咁豪爽，好好笑～但最慘係佢嚟敬酒時我哋竟然去咗廁所，總之唔去廁所啦！！

最後就係我細妹生日，佢上年收到一位神秘人既花，今年又收到！！（我都未收過鮮花，仲要收兩次）佢話終於知道係邊個，但佢話同果個人無可能，咁我當然八下啦，點知原來係XXXXX！！唔怪得之啦，我同我細妹都覺得有XX就唔好做野啲咁架野啦！！真係哀男人，真係想鬧爆佢～～

咁當然祝我細妹生日快樂啦！！心想事成呢～～呢排唔知做乜事，整襯蛋糕都有啲野錯灟，希望下次會成功啦！！

突然諗起好似辣椒Ee個blog有一個topic次叫週記，我諗我可以叫月記添~~~