網誌分類：新聞財經 |
今日鄉紳劉做大佬去求簽, 求得廿七 - 下簽, 果然應景, 簽文如下:
「君不須防人不肖、眼前鬼卒皆為妖
秦王徒把長城築、禍去禍來因自招」
嘩, 咁邪既:
君不須防人不肖: 即係特首唔洗驚側邊d人唔聽話, 要驚就 ----
眼前鬼卒皆為妖 : 卒者, 差人也。皆為妖, 唔通全部都係無間道? 不過係唔係就唔知, 但警察風化案就愈來愈多, 唔通係講呢瓣?
「秦王徒把長城築、禍去禍來因自招」, 秦王,乃施暴政者, 不得民心, 國衰, 是因自招, 唔好賴人。
又似喎, 政府施政夾硬黎, 成日捉蟲, 倒行逆施, 重唔係自招?
另外, 車公那個解簽師父, 向外界講話係外來因素影響香港, 又話要樂觀面對。講到我以為佢幫財務公司賣廣告咁既口吻。
可能我中文差或者欠仙緣, 點解睇黎睇去呢張簽, 都似自己亂自己, 多過人地亂我地咁呢?
若果我中文係正常既話, 師父會否指"下"為"上"呢?
Comforter 2009-02-06 08:52
新一年新開始, 祝大家愉快, 多積極多忍耐, 美好事情自然來!
你今年有什麼計劃? 地球遠離你也好, 不會因為你而不轉動, 所以憂慮不能憂出好事來, 不如大家積極點做事才是好辦法, 或許不憂, 都會好起來!
我近日公司很靜, 很少工作, 所以反而多了時間留意日文/普通話, 豐富自己! 其實條簽好不好, 最重要是心境呀! 我看過今年電視好幾個睇相先生的解釋生肖, 個個都不同, 可想而知, 你信反而跟著他的路行, 唔係都變咗係啦!
cuoda2009-02-12 21:00
新年進步呀!
我今天才再看自己既網誌, 所以今日才覆你。我公司都好得閒, 攪到我成日玩接龍。
生肖? 係呀, 個個師父都差不多, 反正都係要過, 我現在都少聽了。
人有我有 2009-01-27 11:03
cuoda,
恭喜發財, 身體健康, 心想事成, 萬事如意.
你今日咁早出文, 我剛睇到新聞都"吓"咗一聲, 咁準? 而家係香港班擦鞋仔自己亂搞先搞到政府威信盡失, 個解簽佬夾硬解, 直頭係幫劉地主解窘亂講, 我同意你呀, 唔關外人事, 睇吓班指"下"為"上"的人幫政府做事, 香港重邊有運行?
cuoda2009-01-29 09:44
身體健康, 大家咁話. 多謝你咁早黎'拜年' 呀. hahaha
係呀, 那天起床無耐就見呢單新聞, 有時間咪黎吹下水囉。
不過車公在香港煙火咁鼎盛, 都幾靈呀, 而且呢幾年又講得幾0岩, 睇黎今年做官真係要團結d 至得了。