結婚五週年

26092009

今日係daddy同mami嘅結婚五週年紀念日，所以一早就已經諗咗點樣慶祝，就係諗住喺屋企煮海鮮大餐。

點知到咗下晝去街市買嘢嗰時，竟然冇蠔同大蝦買，攪到個海鮮大餐冇咗兩樣嘢，所以最後決定取消煮飯仔，攪到唔知食乜好。

到最後就決定去屋企附近嘅餐廳鋸排，而途經餐廳嘅途中，經過公園，咁晴晴緊係唔放過玩嘅機會啦。

玩完一輪之後，就去鋸排啦，而呢間餐廳d排都幾好食嘅〈因為之前食過〉，你睇晴晴，d嘢食一到，已經急不及待，第一時間就攞嘢食啦。

哈哈哈，個排到啦！

雖然個海鮮大餐煮唔成，但係都過得好開心，下次先再同mami煮過啦！