超咀刁小B食魚事件簿

再一次為左小B的咀刁行為比媽媽笑住詐型...

其實我一直好反對佢食狗糧以外的東西做主糧....但先上星期開始凍....小B立即冇胃口...兼開始全身發冷....出現貧血跡象....

為左等佢食返多D野....於是就煮比佢.....

第一餐....為左令佢的貧血冇咁嚴重....煮紅棗元肉飯比佢(媽媽為左就佢所以都係用返金象米)....佢食晒....但第二餐就吃兩啖走左去訓.....

於是不嬲知佢鐘意食魚的媽媽就去左買條斑仔....一半夜晚做餸...一半拆肉比佢....佢又食晒....

好啦....第二日媽媽去左買魚柳...因為佢話一星期拆一兩次肉就OK....日日拆兩次比佢食佢會眼都花.....但小B成兜唔食....走左去訓.....

媽媽摸下佢又比第一日好好多....唔似係好辛苦個隻....做咩又唔食呢?

媽媽估佢唔食平价魚...於是轉個頭買龍脷柳.....點知.....都係唔食.....

於是我叫媽媽尤得佢....佢又唔似病的話又有精神就尤得佢....免得我返到屋企一兜二兜飯響度.....

好啦....第三日又買魚做餸順手拆肉比佢....佢又食晒.....

媽媽認為佢係唔食雪藏魚....於是第四日買魚肉比佢食......點知佢唔食.....

到左第五日....

頭先一返黎開房門就見到一地都係飯....小B不嬲出左名有潔癖....D野覺得污糟又掉去洗....耐少少未洗白白又會走去廁所坐定定.....攪到間房咁我都係第一次見.....

我一邊抹地一邊睇下到底佢做咩吐到周圍飯....因為周圍都係一粒粒.....一定唔會係整瀉既....

響呢個時候媽媽就出現....話我知明明買鮮魚肉....唔知佢點解唔食.....於是就夾硬困佢響房對住兜飯......

小B一定心有不甘報仇啦....

我同我媽講.....鮮魚肉咪就係一大堆死魚LAW......佢要你生劏返黎的魚....新鮮蒸好拆肉個D....

我發現....小B好可惡....有點恃病行兇....

佢咁既身世....我又唔捨得真係餓到佢食野為止.....因為我試過....佢硬頸到個肚係咁叫都唔肯食....