網誌分類：婚禮司儀 Wedding MC - Cuz |
圖片
網誌日期：2009-11-13 14:02
Date : 13 November 2009 ( Friday )
Venue : Spotlight Recreation Club - King's Ballroom (博藝會 - 帝皇廳)
主角 : Elaine & Maxi
記得我地係喺今年 14 Feb 情人節婚紗展時識既，時間過得真係好快，由二月到而家不知不覺已經過了 9 個月，我對佢地既印象好深刻，因為當時我喺會場入面派咭片時，新娘子 Elaine 拿完便後開了, 大約行了5步左右便返轉到，當時我地既對話係咁既
Elaine : 咦...你係婚禮司儀呀?
Cuz : 係呀, 你地婚期幾係幾時呀?
Elaine : 我地係今年11月呀。
( 當時我同新人講解一下服務內容 )
Elaine : 我想問係咪會係你做返?
Cuz : 如果你想搵我公司其他司儀都可以既。
Elaine : 唔係呀, 我就係想要你做我地司儀呀!!!
Cuz : 哦...哈哈~ 一定無問題啦 !!!
就係咁佢地就即場比左訂金我喇, 由於當時我無乜準備, 我仲用左將 Booking appointment form 好簡單咁寫左個收據比佢地, 諗返起都覺得好好笑。
好開心, 能夠成為佢地既司儀, Elaine 同 Maxi 都真係超級好人, 我地開會時一對新人同我講, 佢地都無咩故事想講比人聽, 佢地亦都唔想上台講野, 唔想玩遊戲, 唔想表演, 唔想搞太多野, 朝早又唔會接新娘...etc 一個咩都唔需要既婚禮, 咁我有咩作用呢? 好...既然係咁, 我就從我地開會時傾計, 留意到原來一對新人好鍾意去旅行，至少每年一次, 同埋佢地註冊既地點亦都選擇左喺 Bali. 於是乎我諗到一個 idea 比佢地, 就係幫佢地整一條旅行片, 等我當日喺現場帶大家一齊同一對新人去旅行, 等大家感受一下佢地既溫馨同甜蜜，由於我知道佢註冊都係去旅行, 所以我就再幫佢地剪多 D 巴里註冊既片段, 等大家都一齊分享下佢地當日註冊既難忘時刻，咁就可以比賓客對一對新人了解多些，當晚睇緊呢條片時有部份賓客及博藝會既職員都睇到好想去旅行呀。
大家睇下新郎哥同新娘子套衫幾襯
(你地睇下新郎哥幾貪靚, 佢當晚都有3套衫換架, 哈哈哈)
今晚可以講係一個酒宴, 因為一對新人之前叫我幫佢訂紅酒, 大多數客人都只係訂 2-3箱, 不過佢地一訂就係 " 七大箱 " 當時我一聽...嘩, 駛唔駛咁多, 之後佢地同我講...佢地既親戚同賓客好飲得架, 我都擔心唔夠添呀，點知到左當晚...真係唔係好夠飲...因為有幾圍賓客當 d 紅酒係利賓納咁倒入口...哈哈哈 !!! 好勁~ 
大家睇下D賓客玩得幾開心
當晚影相既賓客個個都好守秩序, 都無出現混亂既情況, 同埋一對新人既屋企人都好 Nice. 姊妹同兄弟都好幫得手, 最重要既係好有禮貌, 好開心為一對新人完成左佢地既婚禮了。祝 Elaine 同 Maxi 白頭到老, 永結同心。
呢幾位賓客原來識左Elaine好耐架喇, 佢地同我講係以前去旅行時識到架
今次呢個 Job MC Ellen 來左幫我手
呢幾位係 Elaine 既中學同學來架
一對新人切蛋糕先 
當晚好幫得手既博藝會職員 Jacky
我同新娘子 Elaine 既合照
當晚既佈置都幾靚
© Cuz Production. All rights reserved.
