Catssy & Blue's Wedding @ Palace Restaurant (九展煌府 - 海景廳)

Date : 28 October 2009 (Sunday)
Venue : Palace Restaurant (九展煌府 - 海景廳)
主角 : Catssy & Blue

今次又係九展煌府, 不過今次就係海景廳喇。其實今次呢個 Job 真係有 D 特別, 本來我唔係 Catssy 既 MC 來...記得當時知道 Catssy 結婚時, 我有問過佢需唔需要幫手, 由於佢話已經搵左 MC 喇, 所以唔駛喇, 同埋佢又唔好意思打攪我, 所以大家都不了了之, 跟住有一次我同佢講, 不如問下佢個 MC 介唔介意同我一齊做丫, 因為我都想同其他專業司儀合作下, 睇下可以有咩火花擦出來嘛. 貪玩既我同Catssy 都覺得幾好玩喎, 所以就問佢個 MC 喇, 佢個 MC 好好人呀, 話無所謂...於是乎我就同果位 MC 見下面喇 (未經當時人同意, 不方便透露佢個名) 不過最後呢位 MC 突然有事, 佢同 Catssy 個 Wedding Planner 亞 mi 講, 唔可以來, 問我可唔可以做晒佢, 我當時覺得好突然, 因為我都無諗過咁, 我本來諗住去玩下唔駛做得咁辛苦, 不過得知佢屋企人有事時, 所以我便答應 Catssy 了, 希望呢位 MC 既屋企人而家好番晒啦, 祝身體健康及生活愉快, 期待將來有機會同你合作。

好喇, 講返正題喇, 今次呢個 Job 我為新娘子做了個驚喜, 因為 Catssy 同我講, 新郎哥亞 blue 從來都唔肯唱歌比佢聽, 拍拖咁多年, 連 Karaoke 都唔同佢去, 所以佢都未聽過亞 blue 唱歌, 佢地結婚時 Catssy 同亞 Blue講, 想佢唱隻歌比佢聽, 點知又比佢拒絕左，有一次佢地2個上來見我時, 我問下一D關於佢地既野時, 佢地好想令賓客有個難忘既晚上, 當時我得知佢地當晚有 Live Band, 於是乎, 我就靈機一捉, 諗了一條好正既 idea  比佢地, 因為我見到新郎哥個樣, 好似好熟口面咁, 諗下諗下...丫....記得喇, 原來佢好似超級巨星入面個"新康健"呀!!! 我即刻上 Youtube 搵左條片比佢地睇, 當時笑到佢2個死咁濟, 最搞笑既係新郎哥連自己都覺得似果下先頂癮, 跟住我剪左超級巨星既片段出來, 之後再叫亞 Blue 現場o係 Live band 伴奏既情況下唱幾句, 搞下笑。當時亞 Blue 答應了我玩下啦  (成功令佢開金口唱歌比 Catssy 聽) hehe !!! 點解我會有呢個 idea 呢, 因為我覺得第一佢真有 D 似, 第二可以令在坐所有賓客難忘, 大家可能覺得奇怪, 呢個婚禮有咩難忘呀? 我而家就解釋比大家聽, 由於超級巨星都仲未做完, 而呢位陳康健又會繼續出現於超級巨星, 當所有賓客第時睇到呢個節目時, 一見到陳先生就會諗返起當晚佢地去飲既情況, 大家都會覺...丫...又真係幾似亞 Blue 架喎, 大家便會自然記得當晚參加過呢個婚禮既情況, 又好玩, 又難忘，外表好似係一個節目, 實際就係令人留下深刻印象, 仲可以實現到 Catssy 既願望, 真係一舉三得。

當時玩完呢個節目時,由於亞 blue 受我感染, 佢第二日打比我同我講, 喂...Cuz 我有 D 野想送比我老婆, 我知佢好想我唱歌比佢聽, 不過當時我拒絕左, 而家因為我比到 motivation  同 passion 佢, 所以佢都想唱隻歌比個 Surprise 佢老婆. 仲叫我保守秘密, 哈哈哈, 做我呢行做得最多既就係保守秘密喇, 而家我成個腦都係不能說的秘密....哈哈哈 !!!  當晚唱完超級巨星時, Live band 就奏起 " 永遠愛著你 "  既音樂, 亞 Blue 就拖住 Catssy 隻手, 對住佢唱出呢首歌, 當時 Catssy 感動到即刻喊左出來, 因為佢點都估唔到一直唔肯唱歌既亞 Blue 會主動唱歌比佢聽, 呢個驚喜真係令佢好感動好難忘。

最後, 我好開心可以幫到呢對新人製造一個難忘既婚宴, 因為我覺得只要用心去留意每一件事就可以諗到合適既 idea 比一對新人擁有一個獨一無二既難忘婚禮。
好多謝 Catssy 個靚女 Wedding Planner  亞  mi 當晚既幫忙, 期望下次和你合作。

我和亞 Mi 既合照

MC 出場時, 夾埋隊 Live Band Rock 下先...等當晚 D 實客投入 D 參與
當晚既 Live Band

靚靚新娘子 Catssy
貌似陳康健的新郎哥 - Blue

撞返攝影師朋友 - Image Workshop 既 Wilson


當晚好健談既賓客