Jenny & James's Wedding @ The Royal Garden Hotel – Basement 1 (帝苑酒店)

Date : 18 October 2009 (Sunday)
Venue : The Royal Garden Hong Kong Hotel) – Basement 1 (帝苑酒店)
主角 : Jenny & James

一個咩都無既婚禮, 點解我會咁講呢? 因為 Jenny 同我講, 佢地唔想玩 Game, 唔想表演, 無咩 Love Story 講比人聽, 因為佢同 James 既生活好平淡, 無咩特別驚喜, 聽到佢咁講時, 我真係好頭痛...諗緊, 點好呢 !!! 我一陣再繼續講比大家知, 究竟我最後喺一個咩都無既情況下, 做左D咩比佢。

最初 Jenny 搵我時唔係諗坐搵 MC 既, 佢喺我個 website 度睇完我地既 Wedding day photo and video service 好有興趣, 於是上了來我公司見我, 見到我時同我傾傾下計佢先知道婚禮司儀既重要性, 所以佢同 James 落了街行左一陣再上返來時就同我講, 都係決定搵我做佢地既 MC.  Jenny 係一個好緊張既人來, 我地不停喺 MSN 傾計, 我發覺佢對婚禮上每一件事都好擔心, 好怕有問題, 會做得唔好, 之後我叫佢唔駛擔心, 因為我會盡量去幫佢解決所有問題, 傾下傾下, 大家越來越好傾, 我都已經無當佢係我個客人了, 因為大家既感覺真係好似朋友一樣, 時間一日一日咁過, 我地既友誼漸漸建立起來了, 好開心能夠識到呢個客人, 由客人變為朋友, 感覺真好。

好喇, 講返我諗左條咩橋比呢對咁平淡既新人呢, 其實呢條橋真係度到結婚前幾日先出到來, 我好堅持原創, 如果可以我都會盡量做, 因為咁先可以做到一個獨一無二既婚禮, 由於佢地真係咩都無, 所以我提議我做些 Performance 比佢, 咁樣又 Grand 又好睇, 傾下傾下, Jenny 搵到佢喺 1984年時，當時仲係細路女時佢唱歌既錄音帶出來, 於是我靈機一捉, 就叫 Jenny 搵個 walkman 同帶埋 D 帶來我公司, 我幫佢抽返段聲帶出來, 再幫佢現場彈返同一隻歌出來, 為左令個效果好 D 我就叫 Jenny 現場再唱一次, 當晚 Jenny 拖實 James 隻手, 一齊唱左呢隻 " 常在我心間 "  2009 年既版本, 為了再令個效果好D 當時我同我既 Musician 同事 - 亞賢一齊為 Jenny 演奏. 喺唱歌前, 我再同 Jenny 媽媽講...今晚唔駛再叫 Jenny 坐定定唱歌喇, 因為佢大個女喇. 想知點解? 睇下呢條我為 Jenny 整既片, 大家就明架喇。

由於 Jenny 對我既信任於是乎佢將婚宴上既大小事項交晒比我, 由原先搵我做 Wedding MC 既工作, 改為 Wedding Planning. 佢交晒比我去安排佢個 dream wedding, 所以當晚做野既人全部都係我既 Partner - 婚禮攝影係由 Alex, Terry 同亞強負責, 律師證婚係由 - Frederick Tai 戴律師, Backdrop 就由 Wedding Art 既小菲幫手, 紅酒又係我幫佢搵既, 仲有手指燈又係我幫新人準備, 當然唔少得我既 Music Arrangment. 每樣我都有份參與, 目的只係想 Jenny 同 James 既婚禮搞得好好睇睇, 當晚回到家時, 拆開 Jenny 比我既利是, 我已經知道佢對我既表現有幾滿意了。再次祝福一對新人, 白頭到老, 永結同心。

我好鐘意呢張相 (Photo taken by Chrissy)

我和好緊張既新郎哥 James 既合照
囍字糖

我為新人訂的紅酒

我和兄弟姊妹及宴會部經理開會 Briefing 當既既流程

再次和攝影司 Alex & Terry 合作

© Cuz Production. All rights reserved.