GiGi & Pearce @ Palace Restaurant 九展煌府 - 四季廳

Date : 02 Oct 2009 (Friday)
Venue : Palace Restaurant 九展煌府 - 四季廳
主角 : GiGi & Pearce

今日終於完成了呢個 MC Job. 今日切真蛋糕儀式時同我以往做開既婚宴好唔同, 因為 GiGi 既朋友 Vanlily 同佢既blog友agnes, psk_ho, Karen, 繼姐, 阿飛飛一齊整左個好靚又好味既蛋糕來送比一對新人, 佢地真係好有心呀!!! 由於新人擺成30圍, 因此時間有限, 本來諗住玩既遊戲都要cancel. 因為要補影相嘛, 好彩遊戲唔係必須的，所以取消左都無妨, 由於九展煌府有燈光既配合, 令到 MC 出場時可以個感覺可以型D !!! 跟住我一出場, 多謝完賓客既來臨後便立即派發回禮禮物了, 新娘子要我特別話比賓客聽份回禮禮物係由佢同一班姊妹親手包裝架, 喺派禮物時再配襯首音樂個氣氛真係幾好,  講到今晚既高潮就係新郎哥 Pearce 既自彈自唱, 話說 Pearce 學 Guitar 既目的就係想自己喺婚禮時表演比佢位靚靚老婆聽, 雖然佢既歌藝同彈奏技巧有待改善, 不過誠意分滿分, 佢亦都盡了能力去為新娘子演奏2首歌, 另外新娘子 GiGi 都有付出架, 因為佢都偷偷地去學了彈琴, 佢唔想比 Pearce 發覺, 所以佢利用 lunch time 既時間去練琴啊. 當晚 Pearce 真係全程望實並好認真咁去欣賞 GiGi 彈琴架. 佢地2個真係好 Sweet 呀. 由於敬酒後又要繼續影合照, 令到個時間好緊迫, 我好擔心無時間比新郎子彈琴, 不過最後都盡快一影完相時就安排呢個 suprise 既環節, 美中不足既係, 我無足夠既時間去播放新娘子預備定既 Powerpoint 呀. 真係唔好意思。 最後, 新郎哥於婚禮尾聲時叫我上台同d 賓客講, 如果想 "隊" 佢既就拿起酒杯啦, 認真貪玩，最後略帶醉意既 Pearce 問了我同一個問題 8 次, 就係 " 有無比利是你? 夠唔夠, 唔夠同我講 " 同 " 你要教我彈 Guitar 同做我師父, 你制唔制?"  哈哈哈, 真係比佢笑屎我, 我相信佢一定唔記得自己講過咩, 因為佢已經醉醉地喇。最後希望一對新人會滿意我既表現啦。

© Cuz Production. All rights reserved.