Kate & Mo @ The Lanham Hotel Hong Kong (尖沙咀朗廷酒店) by Cuz

Date : 15 Aug  2009
Venue : The Langham Hong Kong Hotel - Grand Ballroom (朗庭酒店)
主角 : Kate & Mo

今日又完成了一個MC Job. 時間過得真係好快，呢 pair 客人係我喺今年二月十四婚紗展時識佢地的，新郎哥 Mo Sir 係一個超級玩得既人, 而新娘子Kate又靚又好人, 講返呢個Job先, 我地之前開會時傾左好多有關佢地既趣事, 聽完之後真係好笑到不得了, 好啦…時間一日一日咁過, 話咁快就到七月尾喇, 為左同D兄弟姊妹熟絡D, 我通常都會出席客人和兄弟姊好的飯局既, 當時一出到去竟然撞到舊朋友, 呢個世界真係細呀!!! 當晚我和一眾兄弟姊妹有講有笑，當然我亦會提下各人的工作安排咁啦, 由於我諗了一條好正既 idea 比新人, 我亦好期待今日既來臨, 唔知點解我都好興奮, 哈哈哈 !!!

撞到舊朋友

大婚當日
我大約 4:30到達場地, 首先我見到伴郎 Mr.Joe (佢勁爆笑) 同佢say個 hi 先. 跟住就同當晚個 catering manager 夾下音響同試mic. 個 manager 真係好幫得手. 不過當日就發生了一些意外, 就係我同assistant 出job時都會以防萬一, 通常都會帶2部 notebook去做野, 喺試音響器材既時候所有功能都能夠正常運作, 正當各人準備就絮時, 其中一部 notebook完全出唔到聲, 搞到各人都失了預算, 好彩我們還有另外一部後備既notebook, 於是立即將計劃改變, 為免延誤時間, 成長片改用DVD來播, March In 音樂就改用另一部 notebook來播, 由於當時我已經喺台上, 因此我要臨場執生, 真係小D反應都唔得 >,<”

我支 AKG Condenser 私家咪, hehe

遊戲環節
之前我都同大家講左我諗了一條好爆既橋比呢pair咁玩得既客人. 結果當晚全場尖叫, 拍爛手掌, 唔止大朋友開心, 小朋友亦好興奮, 我好想喺呢度多謝咁多位兄弟姊妹既配合, 如果無左你地既幫忙, 我既idea絕對唔會發揮得到，究竟係咩咁好笑呢? 就係我要求一眾兄弟姊妹排一隻舞再配合近期超 Hit 既音樂, 其實呢part舞只係一個序幕, 真正既戲玉係接落來既環節, 上次我玩左美女廚房, 今次我決定連美男廚房都玩埋, 當時新郎哥既造型絕對笑到牙都甩埋, 由播片頭開始已經開始頂唔順, 新郎一上台時真係有 “ 10個 "真"呀 哈哈哈. 一眾賓客都玩得好投入，希望一對新人會滿意我既安排啦。 (因按客人要求, Video未能公開)

感動位
除了爆笑既場面當然唔小得感動位啦, 除了多謝雙方媽媽之外亞 Mo 仲比了個 surprise 亞 Kate添, 唔好睇佢平時咁搞笑, 原來佢都好鬼細心架…. 真係一個好老公來呀 !!!

最後, 我再次衷心祝福一對新人 “ 百年好合, 永結同心 ” 最緊要既係 “和和氣氣” 唔好成日鬧交喇. 哈哈哈~ (係你D兄弟姊妹爆出來架)