Debbie & Kelvin's wedding @ 喜尚嘉喜宴會廳 by Cuz

Date : 31 May 2009
Venue : 元朗喜尚嘉喜宴會廳
主角 : Debbie & Kelvin

今日係 Debbie & Kelvin o既大囍日子, 新人本來都係諗住搵朋友做 MC ，不過後來因為他們擺的圍數太多, 有成 33 圍, 因此他們需要搵一個專業的婚禮司儀去幫手安排及控制影相的秩序,  還希望我能夠於婚宴上帶動氣氛，由於新娘子曾於朋友的婚宴上見過我做 MC的表現, 所以對我很有信心。同埋新郎哥好好玩，做朋友一流。

我和攝錄師 Gary同新人一齊合照

Yo...Check it out !!!

我於婚宴前和新人到了酒樓試碟及檢查音響器材，發覺那裡的音樂器材很差，由於我對每一個司儀工作的認真，我唔想有任何失誤, 因此我特別帶了一位同事到現場, 協助播放當晚需要用的歌，我不想假手於酒樓的同事，因為我於台上講述一對新人的故事時，我需要同事有音樂及畫面出現，所以呢一 part 都係搵一個專人負責我會比較安心。

當日我大約 5 點鐘到達, 和新人打招呼後便與宴會部經理開會商討當晚流程，由於兄弟姊妹很忙，於是我便和部份兄弟及姊妹 Briefing 一次當晚需要他們配合的事情了，包括 MC 出場及遊戲安排。

一班好幫得手既姊妹

好喇...大約 8:15pm，我已經開始通知所有來賓收拾麻雀及就坐，新人於當晚進場後會舉行證婚儀式，為免太遲開席所以我需要捉緊時間，嘩...隨著音樂響起, 各兄弟姊妹一同發射花炮而賓客就以尖叫聲及掌聲，一齊熱烈歡迎呢對金童玉女出場喇。

其實接呢個 Job 時，覺得有一定的難度，因為當晚親戚比較多，觀眾既反應一定會比較冷淡，搞氣氛會有一定的困難，就係因為咁, 我對自己有絕大的要求, 我同自己講, 今晚一定要 "將冰山劈開" 於是我為新人想了一條絕世好橋，結果, 全場三十幾圍賓客同我一齊玩，仲要拍爛手掌，至於係咩遊戲，我不便於這裡透露，如果大家想知係咩? 搵我做你地 MC 到時咪知囉...哈哈~ 不過都要多謝一下其中一個姊妹上台時唔小心撲向我度，為我製造了一個擁抱的機會，賓客自然又可能大笑一餐了。

呢位先生個名叫 "陳大文" 佢好搞笑架~
於酒席尾聲，眾人開始離場時，有很多親戚朋友讚我做得好，全場個氣氛搞得好好，我當時聽到十分十分開心，因為有人認同呢份滿足感係用錢買唔到的，而同我同一圍新郎哥的親戚都對我既表現好滿意 :)  還有新老爺 / 奶奶都有親自多謝我，真係好開心架 !!! hehe~ 最好笑既係同我講左一句說話, 佢問我 " 點解你個名叫做 MC o既? " 我當時都忍唔住笑, 之後隔離有個女仔同亞老爺講，MC 即係司儀呀. 之後 3 個一齊o係度大笑.... 哈哈哈~~~

為了搞笑D, 當日我準備了一副眼鏡好, D賓客見到後都問我, 嘩..乜你副眼鏡咁搞笑呀!!! 哈哈哈, 好啦, 同大家分享一下當日的照片啦~ 多謝咁多位同我合照的親朋戚友

來望住鏡頭, 笑.... 咔察, 咔察


呢個姊妹其實好靚女架
呢個靚女上台玩講到明係為了利是，哈哈~真係要多謝佢既合作. 我比 100分佢
呢位先生自稱為柴九哥...嘿嘿

連新人都玩埋一份...嘿嘿嘿

李小龍上身蝦...曱甴~

© Cuz Production. All rights reserved.