35th May, 妙絶!

在迷上鳳於九天之前, 我迷上左一套叫孤星淚的卡通, 係世界名著劇場的新作, Story 就係來自小說悲慘世界, 人物設定就係同一小說改編的Musical孤星淚 , 可以話係孤星淚的卡通版。到左故事的尾段, 法國大革命的時候, 說一群大學生袐密組織ABC之友, 要搞革命, 要人民不再捱餓, 人人有工開。完全出於愛這片大地, 愛國家人民的心。 最後, 大學生 (除了男主角)都死在軍隊的槍下。其實, 大學生們都是在富裕, 有財有勢的家庭長大, 不愁衣食, 錦衣華服, 讀完書就可以做官, 一樣的有財有勢, 但對平民的付出, 雖然沒有必要, 但付出生命, 想國家好的愛國的心, 令人感動, 這就是青春的感覺。

第二次去六四的集會了, 有更深的體會, 看到咁多的片段, 報導…二十年前的一日,我知道不可能什麼事都沒有發生過, 學生只是請願, 手無寸鐵, 不是要同政府打仗… 點解要出動軍隊鎮壓呢?? 佢地只係反貪腐, 要自由, 呢d唔係對國家好的想法嗎?? 更重要的… 點解要我們忘記?? 自己做過唔認都算了, 點解提都唔可以, 點解唔可以比下一代知道呢件事?? 難道, 愛國同愛黨一定要掛鉤嗎?? 如果人連言論自由都沒了, 大家看到我的文章時, 我可能已身在獄中了…

到現在, 中國都係咁… 有一次, 知道一直在大陸的表弟完全不知道有這麼一回事, 跟佢說, 佢好似唔多相信有這回事… 看來洗腦很奏效呢… 見到咁, 我知道, 我應該年年都要來, 經濟如何, 同自由不可以掛鉤, 莫非, 比錢我就可以忘記?? 咁同收買冇咩分別??

其實, 我相信 一切都是源自害怕失去權力… 如果真的係英雄, 一直可以受人擁戴, 又何懼失去??