我不自由的童年

男童遊迪士尼 熱水淋傷

【明報專訊】昨日仍是學校農曆新年假期，姓葉父母一家四口前往香港迪士尼樂園遊玩，葉太表示，他們中午購票入園，欲到園內一餐廳果腹後才遊玩，惟6歲兒子在餐廳走動時，不慎撞向一名手持餐盤的遊客...

我唔係話個小朋友係一定在餐廳玩先會被熱水淋傷...
我只係諗返起自己小時候...
在餐廳daddy唔會比我自己四圍走來走去...
特別係飲宴...

小時候的自己看著其他小朋友活潑的玩耍...
心裡很不是味兒...心想...點解其他人有我冇呀...
有時...姨姨都會說我daddy管我管得太嚴了...
可憐我唔可以出去玩...

近來我出席的家庭飲宴都再一次多小朋友了...
因為以前的小朋友都大了...現在又有新的家庭成員...
現在人大了...懂事了...
見到d小朋友又在酒樓那麼活潑的...
我的感覺係...好危險...

waiter & waitress 都要小心d行讓開比佢地...
與其係讓開...不如係避開...
怕佢地撞埋來...把手上熱騰騰的食物撞跌...
冇得食就由佢...不過...燙傷的責任誰負...
賠湯藥費又如何...身上的疤痕...心裡的傷害又唔係金錢可以補償的...

所以我想...將來我的小朋友都幾慘...
起碼...我唔會比佢地在飲宴場上離開坐位去玩...