終於有時間打BLOG喇

今日終於有時間可以係公司打下BLOG喇...

真係好好好好耐冇打過.......搬左OFFICE后打左十次都唔知有冇~~~

仲有3個月我就結婚喇.....時間真係過得好快....

由年幾前講結婚到而家得番3個月....真係D時間唔知去左邊咁.....

而家間新屋就攪掂晒.....只係爭個鞋櫃同窗枱櫃.....基本上已經住得....

牛牛仲前晚一個人係間屋到訓.....佢話張床真係超正超舒服.....

哈哈~~~

而家真係超想快D結完婚就搬入間屋到......

暫時所有結婚既野都差唔多攪掂.....

只係身邊既人不停同我講話我咩未整好...個樣未攪好....

哈哈...其實我諗黎諗去都只係仲有好少好少野未整.....

可能真係仲有好多野我係原來唔知要攪既....哈哈

開始後悔擺酒....而家只係想靜靜的兩個人過......

人大左心態真係唔同晒....以前既我好希望會有一個極豪華既WEDDING PARTY....

而家既我反而歸於平淡...真係連自己都諗唔到.....

不過係攪緊呢個婚禮既時候....同時發現自己真係冇揀錯老公....

雖然佢唔係一百分....但係同佢係呢段時間合力攪間屋同埋攪個WEDDING PARTY....

真係俾我想像中高好多分...加分成功....恭喜恭喜.....

以後既日子唔知會點樣....我只係知今天既我地真係好辛苦咁去建立一個屬於我地既家...希望將來我地都會幸福快樂啦~~~