取得勝利... 卻心有不忿...

呢幅就係當年喺Graphic Design III: Illustration 最後一份功課(Final project)... (繼上次「截脈寸勁」之後) 呢份功課就係以美國嘅一本雜誌--- New Yorker Magazine 為自由封面主題(主題關於當日出版的特別日子或節日)。相信喺美國讀Art & Design 嘅學生都有好多人唔會唔識乜嘢係New Yorker... (唔係乜嘢球隊) New Yorker係一本冇大字標題、純插圖式封面嘅綜合雜誌(純插圖式封面係真嘅... 內容我冇乜讀過... 有關於Art 亦有時事新聞)

當日我所選嘅日子係 10月25日... Cartoonists Against Crime Day (因為冇New Yorker font，所以用咗臨時嘅一 set 標題格式而改唔到日子)。故名思義，就係以漫畫家同漫畫英雄發起撲滅罪行為號召嘅日子。(喺網上揾嘅，全球不同國家每日都有不同嘅特別日子，尤其喺美國。例如:無煙日...) 無須多講，我揀咗Spider-Man為主題(上圖)... 個idea 好明顯，Peter Parker 每次以Spider-Man 身份捉賊之後都會用預先或臨時放好嘅專業攝影機拍下照片，然後再賣俾報館去刊登頭條... 而呢幅構圖不但可以成為New Yorker 嘅「頭條」封面，亦帶來咗當日出版嘅主題...

至於Spider-Man 嘅pose (姿勢) 係來自 Marvel Super Heroes vs. Capcom 系列嘅... (冇照抄! 今次完全憑記憶起稿畫出嚟，然後再睇書修改不足...) 唯一最畫得唔好嘅係蜘蛛標誌同埋被蜘蛛絲縛住兼吊起嘅壞蛋... (好求其! )

當日我仲有另一款封面，但係宜家揾唔到... 總括嚟講，當日攞A 之後我嘅final grade 可以攞到B... (A唔係人人都攞到) 但係個professor (女老屎忽) 竟然俾C 我... 佢嘅理由係話我有好多次缺席... (what the fxxk?! 當係冇咁多拉) 我同佢爭論咗接近一年內先至爭返個B 返嚟 (唯一一個香港人喺Eastern Kentucky University 讀Graphic Design 嘅學生絕不好欺...)

不過，如果唔係個老屎忽拉低我個GPA，我早就可以快d 申請到 BFA... (不過，宜家BFA 嘅委員會以書面正式接我嘅申請同承認，即時宜家只能夠暫時以BA 畢業，已經不枉我付出嘅努力啦! 有機會先至讀BFA 啦!)

有機會再回顧其他舊作品... bye!

ゴクドウ‧ラセツ 極道羅刹
1124:2007 (22.35 @ Kentucky)