網誌分類：我係小鼥鼥 |
Hello~~ 
親愛o既朋友, 好耐冇見... 唔知大家仲記唔記得我呢個肥仔鼥呢..??
我依家o係彩虹橋過得好開心快樂, 日日玩玩食食冇時停,
老朋友們都同我一樣, 過得好 happy 呀~
雖然o係彩虹橋係好快活, 不過我個心仲係好記掛住大家架~~~~~
所以我一有時間就會睇返我以前o既網誌, 回味一下同大家共處o既快樂時光~~
睇睇下, 先發覺有少少野都仲未為大家解答, 所以呢, 我特別為呢 d 未解之謎未還之債,
不定期推出追加內容, ((係呀...不定期... 因為彩虹橋實在太多野玩, 分身不暇....
))
順便借呢個機會同大家聚一聚啦~
好喇... 如果大家有印象, 都知爸爸之前養左惡強同細強, 而因為種種因素, 已經將兩位阿強放走了...
不過, 原來有一位朋友細細個已經o係兩位阿強o既 "貼身護蔭" 下一日一日長大
究竟係邊位咁好野, 能夠同兩位阿強同居左成年, 而且仲成功跟埋爸爸入住新屋呢...??
等我向大家解開呢個謎啦.....
oh....原來影以下堆相時兩位阿強已遷出.... 不過唔緊要啦~~
咁大家就可以更加清楚咁一睹呢位朋友o既丰采喇...
好. 正式向各位介紹, 就係佢喇............................................................
呢隻咁威猛o既小龍蝦就係 "抗強勇士" 喇!!!
大家咪睇佢咁大隻, 其實爸爸當初買佢返o黎時, 佢只係得一隻手指咁長架咋!!
((今時今日佢已經大過一隻手
))
我諗都有養左成年咯... 呢隻小龍蝦醒醒目目, 識得避開風頭火勢, 又搵到地方哩埋,
加上爸爸為佢度身訂做o既一 d 安全措施..
呢隻小龍蝦先可以不受兩位阿強o既騷擾, 一日一日長大咋!!
呢個杯杯就係呢隻小龍蝦自細o既避難所喇, 佢o係入面好安全架!
阿強o係度時, 爸爸為左令呢隻小龍蝦倍感安全, 仲專登搵舊沉木擋o係隻杯杯面前,
等小龍蝦有一個私人空間, 仲可以免受阿強o既滋擾o添~
由於影呢輯相時阿強已搬走了, 所以就唔駛再遮遮掩掩喇~~~~
咦... 點解有兩隻小龍蝦架.... 唔係得一隻咋咩.......................
哎呀~~ 仲話解謎... 點知反而製做多個謎團出o黎o添...
等我查一查先, 下次追加時我會將調查結果向大家報告一下架喇...
呢輯相係小龍蝦o係舊屋時影架... 隨住爸爸帶埋佢搬屋, 呢隻小龍蝦都有間新屋住呢!!
下次追加時除左解開兩隻小龍蝦之謎外, 等我帶大家參觀小龍蝦間豪裝靚新屋啦!!
仲有呀... 其實小龍蝦有個名架... 大家估唔估到佢叫咩名呢..???
下次追加時, 我就會公開小龍蝦o既名俾大家知架喇~~
敬請密切留意我 - 肥仔鼥@彩虹橋, 不定期o既鼥blog追加啦.!!
再一次多謝大家繼續支持~~~~~~~
Hamster (*^^*) 2007-09-15 07:18
糯米團 2007-09-12 23:42
肥仔鼥 2007-09-11 21:38
Hamster 姐姐確係醒!!
糯米團仔仔, 唔緊要啦~ 你都有個第二名, 好叻叻呀~~~
糯米團仔仔, 你依家有咁多美女圍住你團團轉, 真係至嘆係你啦~~~~~~~~
你要努力加油呀~~ 食返多 d 野, 骨杉杉咁冇女仔鍾意架~~ 呵呵~!!!!!
我梗係要睇實我爸爸媽媽啦, 就算我個鼠唔o係度, 我都要佢地時刻記掛住我, 將 d 愛心俾晒我呀~~
哈哈!!!!!!!!!! 因為我成日到昅實佢地架, 所以我先清楚佢地搞緊乜囉~~~
雖然你唔係估o岩晒小龍蝦個名, 但係都估中左一個字呀~~~ 所以話糯米團仔仔你幾時都咁精靈呢!!!
南瓜露姐姐你好~ 其實養水簇野都唔一定要好多錢呢~ 只要有適合o既設備就 ok 喇~~
係呀~ 小龍蝦藍色真係好靚呢~~
花菲花姐姐, 你放心啦! 你隻鼠鼠依家好開心, 日日都同我地一大班朋友一齊玩呀食呀咁架~~
Wing美(Kathy)姐姐你好, 小龍蝦又確冇魚魚咁多人養o既~
肥妹仔姐姐, 多謝你讚佢呀~
雪米滋, 雖然你同糯米團仔仔一樣, 唔能夠全中, 但係都o岩左一個字, 真係叻叻呀~!!!!!!
嘉林姐姐, 其實小龍蝦對鉗有少少紅色架~~~
小黑仔兄, 都估中左一個字樣! 厲害厲害!! 不過你又唔駛咁怕小龍蝦, 下回我會有 d 小龍蝦o既片段發放, 到時你或者會對佢改觀呢~
usagi-rabbit 鼠媽媽, 我都真係超級掛住你呢!!!!!
我知你問左爸爸拎左我o既玉照留念, 我真係好開心呀~~
你唱歌好好聽呢, 你咁好聲, 係平時梗係成日去唱 k 啦 ~~
至於小龍蝦個名, 你同大家一樣都係估中左果個字, 雖然唔係完全估中晒, 不過我好鍾意係估果個 "藍挾挾",
真係好正呀~~~~~~~~~~~~~~~~~~~~~
仲有冇朋友想估呢..??
要就快 d 喇... 我就快會開估小龍蝦個名架喇~ 仲會有小龍蝦o既片段發放o添, 唔好錯過呀~~~
usagi-rabbit鼠媽媽(又係31媽媽) 2007-09-11 13:34
鼥鼥你回魂啦~我好掛住你呀~
哦, 原來雙強既同屋就係lee隻藍龍蝦, 個名...藍精靈?(藍精靈, 十分勁, 跑....), 唔好意思唱左歌添~藍泡泡? 藍蝦蝦? 藍強? 定係藍挾挾?
小黑仔 2007-09-10 23:25
嘉林 2007-09-09 17:32
雪米玆 2007-09-09 10:10
肥妹仔 2007-09-08 22:19
Wing美(Kathy) 2007-09-08 13:23
花菲花 2007-09-06 15:22
南瓜露 2007-09-06 09:50
hihi~~ 好耐冇見喇~~
嘩~~養水簇野好貴ga wo~~
食龍蝦d 色都幾等別wo~~
糯米團 2007-09-06 01:07
大佬鼥~ 你喺彩虹橋幾好嘛?! 你細佬我好掛住你，攪到前排都精神唔係咁好~
媽咪佢幾驚我因為太掛住你而飛去搵你!
其實又點會吖! 我就算有幾咁掛住大佬你呀! 都唔捨得留低我心愛既小杏妹啦~
況且你喺彩虹橋又有咁多老朋友陪住你玩玩食食，我遲D先去搵你lu~
估唔到你去到咁遠都對阿auntie同stevens家既一舉一動都清清楚楚~
呢隻藍色蝦毛仔好靚仔呀! 唔怪之得阿細強同惡強姐都唔夠佢來啦!
究竟佢既名有幾駕勢呢....
定係普普通通叫藍藍呢......
糯米團 2007-09-06 00:46
俾阿Ham姐姐第一添!
我團仔得第二咋!
Hamster (*^^*) 2007-09-05 19:16