黐身大少

唔知由幾時開始..好似2個月前..BB突然變得很黐身..

不過佢係揀時候黐身的..就係每朝準備返工既時候..佢都

非我抱佢不可..個個moment連姐姐掂佢都唔得…

試過一次..佢由房行出黎見我關大門走左..堅大喊左出黎..

心痛都冇計..依家攪到朝朝返工都好趕..又要應酬大少..

又要準備返工..好多時都攪佢唔掂..唯有一齊出門..佢去公園..

我去搭車..

起初佢一落樓就會六親不認…由得我返工..不過上個月開始..落到樓..

我一同佢講Bye Bye..佢就扮喊 (面容扭曲..不過冇眼淚嫁wor)..

今日返工前一齊去公園..本來我一放佢落地..佢就好high咁

行來行去..完全唔會留意我..不過當姐姐一同佢講

 “同Mami byebye啦!” 佢就即刻頭dup dup..之後就行黎雙手

圍住我對腳..又扮喊…個個moment覺得好好笑但又好心甜既..