網誌分類：我們的生活 |
圖片
網誌日期：2009-09-24 19:29
今晚放工出旺角...原因一個就係去PN整番隻介子~~七點幾約埋Queenie妹妹同士巴拿,我地就去左食壽司~~Yummy yummy!!
之後,就上PN...入去之前,我地三個諗定點樣同sales講~~因為我地覺得只係戴左一年就無左粒石,當然唔想比錢整喇!!我地話睇下sales既態度..而睇下嘈唔嘈佢地
我地入到去,就同佢講隻介子無左粒石同埋只係戴左一年...個sales就話要拎番上工場比師父睇下,由師父決定睇下洗唔洗比錢維修...佢話可能唔洗又可能要,呢一刻Queenie妹妹同我都係咁同個sales理論,又反駁佢既說話,真係講到我地嬲嬲地...而且我地既言語間係擺明唔會比錢...但始終係結婚介子,我一定要整番,咁咪即管比佢地拎上工場睇睇,個sales話兩星期內會打比我睇下洗唔洗錢...當然我希望佢既回覆係唔洗比錢,如果唔係....我地一定唱衰佢
IRENE 2009-11-12 12:35
Pingu^.^2009-11-12 13:37
好彩唔洗...不過,我依家重未拎隻介子囉!!
諗起都好嬲呀!!
Co Co 2009-10-16 17:51
你既情況同我之前一樣....
不過我就戴左三個月都無就掉左粒石...
個sales 都係咁同我講..不過比我嘈左好耐..
最個office 既人覆我唔洗比錢,, 同另外新做過一隻...
不過我要求要用番呢仲子既料去做... (雖然唔知係唔係)
到我拿指介既時候.. 隻介指既款有小小唔同..最後我都有到收貨..
Pingu^.^2009-10-18 16:23
呢間公司真係唔掂~~尋日去拎介子,又有問題...依家又要再等呀!!
細細 2009-10-12 15:31
Pingu^.^2009-10-12 22:47
shan 2009-10-02 18:29
Pingu^.^2009-10-03 15:18
我下次幫你問下....
依家知道唔洗錢呀!!
游夫人 2009-09-30 11:16
我對戒指都係 PN 0黎0架...
我好驚呀, 自從我知道你0既失石事件之後,
我一得閒就會望一望隻戒指, 逐粒睇清楚有冇唔見到...
如果連我0個隻都有事0既話,
我一定會上去鬧爆佢,
到時一定會要叫埋你 & 黃師奶幫拖!!
Pingu^.^2009-09-30 22:11
係呀~~真係要小心!!我妹妹個隻都係PN...佢都好驚呀!!
有咩事...一定要搵我地去幫手呀!!