因為尋晚睇波睇到五點幾...所以今日訓到好晏...好彩今日係端午節,有個假期可以休息下~~起身我地都應下節,整左隻美心既裹蒸糭食,隻糭都幾大隻架!...重食埋尋晚媽咪整既豉油雞翼...食到好飽飽...

零晨兩點幾兩公婆一齊睇歐聯...場波比預期中悶場,不過一路食薯片一路睇波,真係好耐都未試過lu...今次巴塞贏波,真係實至名歸,佢地真係好波呀!

原本今日約左班中學同學去塔門+深涌行山,點知呢兩日都下大雨,所以活動被迫取消,不過夜晚既飯局就繼續進行...我地一行七人係沙田食晚飯,又傾又講...好開心既一個晚上,我地食埋甜品先走呀!雖然...

今日係hd好同學Ann Ann既結婚大日子...好開心能夠參加佢既婚禮,佢老公對佢好好,講野重好搞笑...Ann Ann嫁到個好老公,真係"鄧"佢高興~~等Ann Ann蜜月旅行返來,我地又要聚一聚喇! ...

知道銅鑼灣Sogo今日開始sales...我又有需要買護膚＋化妝品,於是叫Queenie妹妹幫幫手...咁買野又有優惠+禮品...正呀! 呢度只係一部份,因為Queenie妹妹都有買呀!哈哈