極力推介超juice burgeRoom

今日同bf去對面海辦婚既野, bf例排又要我諗去邊度食. 我記得之前網友KYC推介過CWB有間食burger唔錯. 而我地去既地方都近呢度. 於是就揀去呢間野試下.

之前係openrice都睇下有咩好食. 見佢d burger都好大份下. 應該兩個人share一個. 去到我同bf都覺得好肚餓, 於是一人叫一個, 加埋炸魚薯條, 再每人一杯野. 因為佢係即整既關係, 都要等一段時間先有. d野食黎到bf又照例幫我影相 影完晒就開餐lu. 我就首先食bf揀果個double burger, 因為太厚關係, 我食到好呢hea, 個女店員好細心見到我甘, 就好快手比張紙我, 佢話包住食會方便d, 同埋又唔怕d野跌到周圍到係 食完呢個己經好full, 仲有我自己揀果個, bf係都話睇你都食唔錯, 我話邊個話我食唔晒呀(其實我真係已經飽到上心口), 為左啖氣慢慢食埋佢. 仲有炸魚薯條, 最後都係食唔晒包走.

我地兩個都好滿意呢餐, d burger好juice, 個炸魚薯條都唔錯. 我地兩個都覺得好飽呀. bf仲叫我一定係blog打, 呢餐雖然要成$2xx. 但係都係抵. 因為食飽呢餐, 係可以飽到晚餐都慳番

burgeRoom