網誌分類：日本藝能 |
圖片
網誌日期：2009-07-03 22:36
愛與寬恕
一套沒有想過這樣出色的作品，完全探討現在家庭的問題，在現實世界中似乎小孩殺人少之又少，但同時顯示出家庭問題。題材沉重的作品但卻帶出溫情，雖然最後一集有點故意製造劇情，但總體仍是上佳之作，經過這作品，大家仍會否只看演員陣容去看劇呢？
9/10分
BOSS
終於完結了，11集而言水準似乎不能夠保持，部份集數參差令分數下降，不過認同的是節奏明快，總覺得林宏司未能適合寫推理劇，反而全情警匪方面會更好。希望會有SP推出。
8.5/10分
Smile
沉重了十一集，很明顯「Smile」其實指早川開的餐廳，所謂戲劇性轉變其實都是意料中事，唯一最大驚喜是三島開聲的一刻，以及對人人平等的描寫，除此之外就沒有特別吸引之處了。
6/10分
結婚萬歲！
好差！真是很差！繼《無罪的愛》及《太陽與海的教室》後最差的月9之一，故事嚴重離題完全與婚活無關，如果是作文的話基本上要重作，劇中談到婚活但其實套用其他東西都可以，婚活本應是很好的題材，但卻變成香港處境劇水準。「捉到鹿唔識脫角」的最住例子。經過此劇，中居正廣再在日劇出現的可能性大大下降了。
5/10分
天地人(至第二十五集)：7/10分
相棒第七季：9/10分
仲有大約十分鐘,今年又這樣過去啦............我地一齊睇返呢一年發生過既點點滴滴~~ 1月:食餐飯都飲得醉..............
相信有訂購的朋友都應該收到月曆, 月曆採用和上年相同的釘裝模式, 透明的塑膠外套, 配以6張以2個月為單位的月曆紙,......
goro chan 2009-07-18 22:19
係呀，象仔圖案架~
買左唔少日劇FOLDER，遲D POST比大家睇~
北条彰2009-07-18 22:30
期待中！
agogowoods 2009-07-14 19:50
我估都係龍居今次有d 失手...俾多次機會佢啦..
白影同砂之器...你一定要睇啦....呢兩套係中居由偶像派變為實力派的見証黎架......期望你搵少少時間係日劇無雙跟其他主持人談討一下這位編劇....這兩套戲以及中居的演技生涯....
p.s 砂之器係松本清張的名作.....自呢套之後好多佢的作品都被改成日劇...例如米倉涼子的惡女三部曲...
北条彰2009-07-15 12:51
問心，講編劇，有排都未到佢。
agogowoods 2009-07-11 21:18
其實呢...婚活男的編劇龍居由佳里係捧紅中居的編劇
中居的兩套頂作...白影...砂之器..都係佢寫架..
我估中居都係對佢有信心所以先演呢次月九啦...想再合作
係咪飛紙仔呢個反而不可信啦
北条彰2009-07-12 19:41
完全離題既
goro chan 2009-07-10 10:26
北条彰2009-07-10 12:55
丹仔 2009-07-05 18:50
的確，兩套大河劇，無論故事背景和年代都有天壤之別。但小弟覺得，好唔好睇是對比她們兩者之間既設定。無疑，兩位主人公面對困難都係多如繁星，好似家常便飯一樣咁普通。但其一，兩者在性格反應上直接另我對她們產生唔同既感覺（不是男女分別，而是個性上），這是我欣唔欣賞既觀點一。
其二，亦顯示出兩位編劇作者功力既分別！篤姬和直江都係故事入面認定為非常有智慧既人。但直江呢？我真的不覺得除了他們既吹虛自圓其說外，能夠顯示出他好有智慧 =.=+ 相對比篤姬，劇集裡她從小喜歡讀書，對人對事都有種求知慾，面對易境就算有慌亂，但都能夠有條理既把事件逐一剖析；加上她處事雷厲風行既態度，但又往往能夠帶來最好既結果。這正正是編劇、作者方面既問題。篤姬能夠把故事裡面差不多每一個細點都做得有條有序，而天地人既篇劇就像是－他本身就是這樣嘛！但沒有任何解釋為何他會這樣... 好似是石頭爆出來咁款
以上二點才是我帶出來對比既觀點啦 ^_^
北条彰2009-07-05 22:26
而家天地人有D位真係好拖，上京唔使咁多集
而家天地人唯一表現到直江既優點，就係佢既義，其他地方未表達到，如果勉強來說就是外交唔錯。
篤姬對唔住我睇到第9集cut左，唔知點解我覺得好慢，我入唔到局。個個話好睇唔係我杯茶。
真係寫得好既大河劇，請你睇埋太平記同獨眼龍政宗(總集編)先同我講
同類 2009-07-05 03:04
丹仔 2009-07-04 09:04
其實未有口碑前，睇演員陣容和故事簡介外，基本是唯一一個讓人去選擇既方法... 誰可以預知未來，知道一齣冇咩人識既劇好唔好睇呢^^? 愛與寬恕就係這樣既劇集。
BOSS 集攪笑、推理於一身，節奏又明快，今季有唔錯既收視的確係實至名歸。但水準唔穩定可說是一個致命傷，就以大結局為例... 笑位太過多太over了吧！把之前鋪排落來既氣氛一下子攪亂讓人無所適從。另小弟原本對佢唔差既印象一下子破壞貽盡！唉... O晒嘴囉！另外，已他咁高收視來睇，出 SP 我覺得好大機會，一齊期待吧^^
Smile 我只睇了笫一集頭果十分鐘，所以就唔講啦。
結婚萬歲我睇到笫八話已經頂唔到落去... 簡單一句－不願置評。
最後想講既係天地人。個人覺得他冇篤姬咁好睇，直程覺得佢幾悶下。原因是上年演篤姬既宮崎葵，她把這個一直活係困竟亦境中既小女子演活得充滿活力，無論咩困難都帶著笑容去挑戰，這點她做得非常好睇到我好感動。^^ 反觀妻夫木聽演既直江，雖然和篤姬一樣都係講佢從小到大既經歷，但他那時不時就喊既表現就讓人覺得佢係逼不得已逼於無奈咁去成長，一個只係亦境中感慨無奈去成長既角色又點會讓人感動？依個係兩者既最大分別，亦係小弟覺得篤姬好睇好多既原因。^^
北条彰2009-07-05 08:00
天地人同篤姬，跟本就係兩樣野，一個後宮，一個講武將仁義，天地人同以前大河劇差唔多。
agogowoods 2009-07-03 22:47
小弟算是松本潤的FANS啦...平心而論...你覺得佢係SMILE 的演出係點呀?我覺得佢內心戲發揮唔差...但係哭戲就真係...要慢慢改善啦...
同埋...我覺得編劇寫平等問題...寫得唔夠深入...演員發揮的地方真係有限...
不過中井大叔真係演得好好...尤其是最後一集鬧維托接受死刑O個段...真係演得好有火...好正
北条彰2009-07-04 08:55
劇本事實係麻麻地，中井貴一我係日劇無雙都講過佢係最好戲既一個！