婚前十日 之 心情

話咁快淨番十日咋...  話緊張.. 一d都唔覺, 但可能自己緊張左都唔知呢..

始終一生人一次..   比自己好大壓力..   所以我都係少少壓力都受唔到架..

唉.. 近排好似好多野都未搞咁.. 但又搞到自己好忙喎.. 日日都冇日可以番屋企食呀..   通淋巴..  花球..  佈置..  化妝.. 傾野...   試衫.... 跟住屋企又要加圍數, 要訂過晒d野..    依家最煩一樣就係個成長片段呀..  果個人真係好想打獲佢呀.  11月比相佢.. 尋日打去問.. 未有喎.. 下星期先有呀. 咁我問.. 我下星期結婚啦喎.. 佢話盡快啦...   我即刻火起啦...  我依家唔係淨拎你隻碟架.. 我重要拎去試架..   應承左星期一比我... 不過... 都係唔好博啦...  叫男友整定隻後備好d.....  

近排d 情緒成日都好反覆咁..   一諗起d唔如意既事, 就喊左出黎... 重要係成日喎..

搞到成日都變左熊貓眼..   不過好多謝身邊既一班朋友..  關心我同開解我.. 

令我覺得.. 原來好多人都好鍚我架..

希望我可以支持多十日..  以最勇狀態示人.. hehe...