仲差少少

新工作大約番左兩個禮拜, 要做既範疇其實已經接觸左八八九九~
但欠既, 仍然係落手落腳去做既經驗~

每當入漏野或打錯野既時候, Team Head半開玩笑既提醒已經成為左我番工最大既壓力來源...
人就係咁, d data你認為入晒同完全正確既時候, 偏偏就會俾人捉個正著...
當時真係唔相信, 但事實係真係入漏~
宜家既我, 仲可以用"新人未做熟"呢個藉口, 但我唔希望再係咁...

好慶幸教我做野既同事係1位大好人~
一個爽朗、幽默、熱心又鍚個女既大姐姐~
逢問必答、又會同我講笑，又會鼓勵我、幫我。無佢既話, 都唔知點算好...

做好份內事, 除左為左俾番個好印象阿頭、更加唔想累到呢位好同事~