2006年9月16日

估唔到畢左業兩年後，又要再一次番學。 諗番起以前係唔鍾意讀所以先唔再讀上去，不過唔讀既話，只可以成世做文員仔。
我唔想...
好彩宜家呢份工唔太困身，唔係都唔知點讀好~

但都幾辛苦，一到六點就要離開公司去搭地鐵，六點九到觀塘仲要行差唔多15分鐘既路程，仲要上埋山...
星期四果晚好唔好彩落大雨~ 跑住咁去學校，d雨好凍但我個身就跑到好熱，無病都算我大吉大利。

我又開始感覺到夜晚果餐唔需要食喇~ 因為餓得耐無乜感覺，番到屋企又唔想食。算，當減肥。

快d過埋呢兩年喇~ 兩年後我要俾自己一個目標：人工過萬。
對我既學歷黎講唔高唔低啦。

唔知點解，突然間好想辭識、突然間好想見番晒呢廿三年黎所認識既朋友...
我唔係有乜事丫嘛...