遊東龍島

2009年11月8日(Sun.)

參加咗青少年中心舉辦既東龍島一天游, 一家人去行下山都好開心! 今日帶團既負責人係小晴晴義工班既老師, 所以小晴晴好開心好興奮.

今日天氣最高28度, 真係頗熱咗少少, 太陽曬到我哋滿面通紅, 平時少運動既我出完一身汗真係舒服晒!

原來去東龍島好近既咋, 喺三家村坐船30分鐘就到勒! 以下船期表, 有興趣既朋友可以參考下.

東龍島碼頭有好多魚排呀

整個島只有寥寥無幾的居民及幾間餐廳

沿途風光明媚, 島語花香, 碧海藍天, 巿區難得一見!

大家見過咁大條既水瓜未? 我哋就第一次見咋!

牽牛花或名喇叭花, 週圍可見!

柚子樹長滿柚子

途中見到好多不知名既果實及野果

木瓜樹

小晴晴沿途俾Daddy拖住行, 一路唱歌一路傾偈, 好温馨既家庭日呀! We really enjoy it!

行到中途扮下鬼臉氹下我哋大笑都幾好ar......

問小晴晴攰唔攰, 手勢打X表示唔攰, 果然精力充沛, 但Mami已行到氣喘, 唔認老都唔得la....

Mami同小晴晴都曬到滿面通紅, 有帽又懶得戴lor

可以自由選擇行唔行1000級石級, 小晴晴選擇咗行, 一於陪下小晴晴行下, 其實Mami係

唔想行的

Daddy扮要跳落海, 吓到我哋以為佢傻咗, 原來只跳落一級, 我哋喺上面只見到海水, 以為一跳落去就係海添,  知道真相後笑到小晴晴肚痛咁制!

間唔中Daddy都會自動請鷹抱小晴晴等佢冇咁辛苦, 難為了Daddy

yeah, 小晴晴與Daddy Mami比賽誰最快到終點, 小晴晴win呀

跟進我哋去營地放風箏, 正係, 風向及風速正正適合放風箏, 唔識放風箏既都好容易學識

陰公囉, 小晴晴叫你戴帽但你偏偏唔戴, 明天面孔一定好痛

小晴晴中文剛學"藍藍的天, 藍藍的海", 所以見到以下美景即不停吟詩作對, 果然學以致用 (以下相片係出於小晴晴手作)

最得去東龍炮台古蹟

回程了

等待渡輪期間, 見有一個小型沙灘都要落去玩下沙

東龍島營地有好多人露營, 又有燒烤爐, 下次可以考慮下去BBQ.