小晴晴回歸ｂｌｏｇ勒

呢兩個月既暑假，由於Ｍａｍｉ公司搬遷，　自己屋企搬遷，　新工人姐姐到屋企，忙完又要搞公司ＩＳＯ，　真係忙到喊咁制，　今日小晴晴返小一，　Ｍａｍｉ帶工人姐姐帶小晴晴返學，　乘機可以請半日假接送小晴晴，　只能趁呢個機會ｕｐｄａｔｅ下ｂｌｏｇ同大家見一見面，希望大家唔會忘記我ｌａ。

大概總結下小晴晴既暑假生活先：

（１）整個暑假小晴晴脫落了４隻牙，以下照片大家見到小晴晴個樣可能較以前唔同左少少。

（２）小晴晴參加左游泳班，　總算學曉游水。

（３）每個星期公公都會帶小晴晴去科學館，　太空館，太平山，　香港公園，玩具反斗城玩，　真開心，　Ｍａｍｉ忙碌就將呢個責任交給公公，公公亦都樂於奔命呢！

（４）因為暑假小晴晴又再學返溜冰，所以個個星期都要去Ｍｅｇａ　Ｂｏｘ。

（５）暑假我地一家買了海洋公園全年証，加上有夏水禮，小晴晴總共去左兩次海洋公園。　次次都玩到唔肯走。