聯校聖誕嘉年華

2008年12月21日(Sun.)

12月19日, 小晴晴正式放聖誕假勒!

小晴晴學校早於12月18日已舉行聖誕聯歡派對, 學校今年更如往年般喺九龍塘總校舉行聯校聖誕嘉年華, 共分開三天進行, 小晴晴分校被安排於星期日早上參與, 更設有10個攤位遊戲, 每玩完一個遊戲便可獲一份禮物, 完成所有遊戲可以換領一份大禮物, 真係好多禮物收呀!

當中仲設有聖誕老人巡遊, 派糖果給小朋友, 以往小晴晴見到聖誕老人都會驚到大喊一場, 今年終於戰勝咗呢份驚恐, 終於可以近距離接觸聖誕老人, 仲要緊追住聖誕老人巡遊, 真係大個女咗喎!

呢個係假既聖誕老人!

學校又特別安排Coby哥哥帶領一班小朋友唱聖誕歌又唱又跳, 小晴晴又樂於參與一份, 因為Coby哥哥係小晴晴以及好多小朋友既偶像嚟嫁! 全場充滿濃厚既聖誕氣氛!

又有卡通人物影相, 小晴晴超鍾意!

老師為小晴晴喺手上畫圖案, 可以選擇畫喺面上或手上, 但小晴晴貪靚妹堅決唔俾畫花塊面, 只肯畫喺手!

玩遊戲真係好投入呀! 有Daddy既幫手, 當然sure win啦!

填色遊戲都一樣咁投入!

仲有親子圖書樂!

yeah! 玩完遊戲又有禮物收!

睇下, 離開時小晴晴又依依不捨勒!

中午, 應小晴晴要求, 我哋去咗食元綠壽司, 不過因為今早太早起身, 小晴晴連至愛既壽司都冇胃口食呀!

但一去到冒險樂園又好精神喎!