究竟有乜問題出現o左呢?????

今日終於寫我依幾日究竟發生咩事喇﹗

其實已經係早兩日發生lu，o個日係星期日晚，阿誠打俾我，佢同我講佢今晚會早收工(佢講o既早收係大約12點)，話買消夜俾我食。我聽到當然好開心啦，一來佢可以早收工，二來又可以見到佢，o個陣真係好期待佢快o的過到黎我屋企。

等呀等，終於等到12點，佢打俾我話收工喇，佢同我講佢傾埋o的野好快會過黎搵我，到o左再打俾我。咁我又唯有再等o下佢啦，點知等到1:30，一個電話都冇，咁我再打俾佢，問佢人在何處啦，佢聽到之後剩係同我講o左一句：『我就走o架喇，你等多我一陣。好快到﹗』就收o左線………

當時，我聽完之後，覺得…可能仲o係公司傾緊野，唔方便講。諗諗o下，我咪send sms同佢講：『如果你忙緊o既就唔洗過黎喇，你忙完之後先打俾我﹗』(因為我覺得已經1:30喇，佢過到黎都要時間【o係深夜時份由尖沙咀來到我家起碼要個幾鐘】，何況之後o個日我又要返工，所以我叫佢唔好過黎)……之後，我就帶著唔開心o既心情，上床ZZZzzzzz...........

過o左冇耐，電話響起，我帶著好期待o既心情(因為想聽o下佢有咩同我講)，即刻拎起個電話聽，點知………一把女人聲o係電話中出現：『你係Amanda呀，我係佢朋友呀，我地而家飲野傾緊計呀，我地識o左好耐o架喇，你唔好誤會呀，我地冇野o架。我地好耐冇出黎傾計，所以今晚出o左去飲野咋，阿誠驚你嬲呀，所以… … … … … … … … …  …(跟住個女人講o左o的咩，其實我都聽唔入耳)』之後，阿誠拎返個電話同我對話，但係，我只係同佢講o左一句：『夜喇，我訓喇，拜拜﹗』之後就收o左線喇﹗(o個一刻o既心情，好似跌o左落谷底，好痛﹗)

大概3:00，電話再響起，阿誠再打俾我，一個好冷靜o既背景(我諗佢應該回家了)，佢同我say sorry，話冇諗過會傾咁耐 …………………… 但係，我只係講o左句：『唔…，夜喇，早o的訓，早抖﹗』之後就收o左線﹗跟住第二日朝早佢過o左黎同我食早餐，o個一刻沒有特別感覺，因為都唔知同佢講o的咩好………(唔想同佢講返o個件事，影響到o個日o既心情)

件事發生o左兩日，依兩日o既心情都冇好轉過，究竟個問題係出o左o係邊呢﹖我同阿誠一齊已經有一年喇，佢做西餐x酒吧依份工都做o左好耐，我識佢o個陣已經知道每晚都好夜收工，唔係成日都陪到我，依點我都明白。但係今次依件事我覺得唔o岩o個個係佢﹗佢明明約o左我，又同朋友走去飲野傾計。仲要我唔打電話俾佢佢都唔同我講佢仲傾緊，我唔係一個唔講道理o既人，如果你真係陪緊朋友o既，我唔會同你講你一定要走，過黎陪我﹗好喇，到我send o左sms俾佢，轉頭搵佢個朋友同我講話驚我嬲，又點又點……我剩係想聽到一句：『你唔洗等我喇，我而家仲同朋友傾緊野，sorry，要你等咁耐﹗』只係一句好簡單o既說話，乜真係咁難開口咩????

嬲人好辛苦，所以好多野過o左道火之後我就會冇事，我寧願你親口同我講你仲o係出面飲緊野，同朋友傾緊計o既，我會冇咁嬲。我同佢已經唔係成日可以見到面，我可以數得出我一年黎只係可以見到佢大約60次左右，所以我會好珍惜同佢一齊o既時間……………

其實，我真係好想親口同佢傾o下依件事，我唔想為o左少少o既誤會，令到大家有條刺o係度﹗但係，要等到星期五佢放假先見到面，到時我又唔知o的火仲o係唔o係度lu﹗可唔可以教我點做呀﹖