非常幸運、幸福、開心的一天^^，多謝Ah Dee & 阿祖!!

今日真係超開心 (super興奮)、難忘 (難以置信)、超幸運、幸福的一天！

真的很多謝Ah Dee & 阿祖，你地不單止帶給我一個超水準、超好睇既舞台劇 (I really enjoyed both today ^^ and the show on 26/5；I saw 2 shows ar)；仲可以咁幸運地有機會同你地交談幾句、可以親口同你地講：" 你地真係做得好好呀！超勁呀！8月一定黎支持你地呀！ ... "；我是多麽的好彩呢！ :-)  雖然只談了幾句、很短時間 (你地趕時間，我仲好似阻住你地咁，真的不好意思啊！:-(  希望下次再有機會你地唔趕時，可以傾耐啲啦！因為同你地傾計好開心、感覺很好；你地超nice；好似當我朋友咁，Thank you so much ar!!)；已足夠我開心了整個晚上。

今日last呢場真係超落力！又encore跳同唱多次 Ja Ho，超high!! 全場一齊企起身拍手、跳、唱，超好氣氛；非常enjoy !!!  Yeah ^^ ....(不過，之後隻手好痛、仲手震囉；但都係值得既！多謝你地 ar!!)

(photo from Chu Fun's Blog)

另外，一開場唱 "小人國 "主題曲時，最後擺pose時，我見到Ah Dee你淨啲仆親、又俾阿欣隻手淨啲插親隻眼，有無事呀？！ ....我見你好快用手撐番住、擺番last個pose；勁呀！ .... 希望你無整親啦！....

Ah Dee，你今日做 "阿奇" 跳舞時，跳得特別好睇、特別放；仲精彩過之前26號嗰晚；超勁！下次如果有第三集 (希望啦) 一定要再有跳舞環節！Yeah ^^

完場後本來我猶疑緊好唔好留低等你地，因為諗緊你地會唔會有排都唔出黎、有排都唔走，last一場嘛，可能你地會傾吓計、影吓相留念先走呢。 .... 但最後，我都決定留半個鐘、碰碰運氣吧 (因為諗起 ... 今日之後，要等到8月先見到你地，....所以一定要盡地一褒！)

當我等到有點灰心時 :( ....突然見到阿祖你一個人急步行咗出黎，初時我無唯意、仲以為自己發緊夢、認錯人；到我再望真啲時，我心諗：弊！真係你，追唔切，miss梗！ .....我唯有尾隨、試吓追唔追到啦。 ....點知，見到你行咗入停車場附近同一班人傾緊計咁；於是，我諗住 ：算吧，下次先吧；費事阻住你啦 :(  ....

當我好失望咁行番沿路返去劇院諗住：miss咗阿祖，希望無miss到Ah Dee啦。 ....點知，原來幸運之神無掉低我 .....我竟然見到Ah Dee你迎面講緊電話行緊埋黎；嘩嘩嘩！！！我係咪幻覺呀！ ....我心諗：咦，你講緊電話，我如果行埋去要求同你映相，騷擾你係咪唔係咁好呢？！ ....我猶疑咗只有3秒 ，因為如果今次miss咗呢個chance，要等好耐喎 ;( .....唔諗咁多喇；死就死啦！最多咪被拒絕 ........結果，我鼓起勇氣、搏一搏，同你say咗個Hi，同你講：可唔可以映張相呀。

Ah Dee，你竟然話：好呀！^^ (我見你好趕時間，但仲肯停下來同我映相，我非常感激，唔好意思呀！) 你仲好快一手便攞住我部手機同我一齊自拍；你仲教我唔好將部手機揸得咁近距離、會映得唔好添；.... 結果，你映得張相好啱位囉，超pro!!下次要再跟你自拍啊！^^ Thank you so much ar!! (其實我有輕微傷風，你仲企咁近，好驚傳染咗俾你就慘喇！)

本來故事就此完結；不過，當我路過停車場附近時，竟然又俾我撞到你同阿祖；嘩嘩嘩 ..... 我真係忍唔住要再要求映相呀！ ....你地不但同我映相，仲同我 & 媽媽傾咗一陣；超nice ar 你地！ ^^ ....(Sorry呀Ah Dee，當我同你講多謝你尋晚的多個blog既留言回覆時，我拍咗你手擘幾吓、抽咗你水添！ ;-) 嘻嘻...你唔介意嘛？！下次我會收斂啲。) ....

多謝你呀，Ah Dee & 阿祖！！多謝你地給我正能量、& 將我今日變成一個幸運既人！(一日咁多啦。) Thank you so much ar!! 8月希望買到飛撐到你地啦！到時希望有機會可以再同你地合照、再同你地交談、再次將我變成一個幸福的人！^^ (希望你地到時仲記得我啦 :)   )

Ah Dee，好好休息喇！....希望快啲可以見到你啦！記得要check住Facebook 同 blog ar，我會keep住留言、寫嘢俾你架！你有時間就應吓我啦；keep住update吓你既近況吧！ Once again, thank you so much ^^ Take care

P.S. ....Ah Dee，本來想買啲零食俾你 ...但又驚俾唔到你，所以無買到 :( ....唉！早知買啦！...下次一定買定一大包等你 & 阿祖 ;)