冬日購物美食節2008

其實lee個美食節都已經有幾年..但係今年係第一次去..

之前都已經想去但係成日都話好多人真係有d怕..

但係今次唔同..因為有免費飛...哈.

但係日日都去街又夜訓好攰..唔多想去..不過相公話想去就是但la...

星期六教完拳就直接出左去...由於我地有飛可以唔洗等買飛個part.

個個咁既購物節一d都冇野買..又話咩有電子野但唔多囉..反而結婚野就行到邊都見到..

好快咁就行哂個購物節轉去美食節la...因為多人關係所以要分批入..

但都係等左唔洗5分鐘就入左去la..都可以接受.

入到去真係好開心呀..好多野食...我地食左流沙飽真係好流沙呀..勁流沙..

仲有蝦味排骨..真係有蝦味好香ga...仲有試食既紫菜..仲有桂花糕同馬豆糕..

個馬豆糕唔掂我阿媽仲整得好食過佢.

因為太多人又冇帶相機一買完就食哂所以冇影相呀..後悔冇影到個流沙飽tim..

仲有$30鮑魚套餐..有14頭飽仲有幾樣野ga...但係太多人買煮唔切我地冇等到呀..

我地都係買左少少戰利品咋..

東方紅湯包抵到爛$99 8包

紅酒$19 買二送一

$10 4條香蕉糕

$46 原味紫菜同辣味紫菜

$10 2罐辣筍

個香蕉糕好好味...仲有個紫菜真係好香好脆..個筍我就麻麻但相公就話好食..

其他未試..希望唔會太差...真係好得..得閒煲下湯先~