再黎元朗美食

哈哈..真係開心..今日要去元朗..又係元朗....

出得去就緊係要食下野la...我就即刻上openrice到望一望..

嘩..真係覺得自己好幸福..因為元朗實在太多美食la..

首先黎個早餐+午餐先.就係好到底麵家la..

其實知lee間野好出名..同埋平時都見到好多人去食...

一入到去...間野好舊式..同埋好多老人家係到食..哈哈.

我就叫左個蘿蔔牛腩加蠔油撈麵加支汽水

相公叫左個水餃麵

其實....真係唔係話好好好好食囉...d牛腩係幾林既..d麵我就覺得幾普通下...

相公就話唔掂囉...d水餃d皮唔滑..lee間野食左$62蚊呀...都好貴呀..

貴在係我個蠔油撈麵都要$20個蘿蔔牛腩$18..

但係都會再黎多次.係因為今次食唔到佢d蝦子...佢個蝦子撈麵成$32呀..點食呀.

但係睇中左個蝦子蘿蔔..下次再去試下先..

到左3點幾我地又黎個下午茶la...

今次我地去左陸記正宗桂林米粉到食...又係好出名既一間野.

由於我唔係咁肚餓..只係叫左個橡筋小食.

相公就叫左個絕代雙豬飯餐..

甜品就叫左個水晶涼粉

lee間野真係好唔錯...相公極之欣賞個絕代雙豬飯...因為係豬頸肉+燒肉.

仲有佢個到有d配料比你自己落..個d辣既咸酸菜真係超正...

個d燒肉d皮真係鬆化到唔知想點呀..

個餐成$34蚊...但係真係好好味...真係會再去食..

個個水晶涼粉都好好味..唔知點講d質感...唔係涼粉但係唔知咩黎ga..

我唔食花奶都食左幾啖...仲有個橡筋都唔錯$12算係咁上下la..

lee間陸記真係值得推介!!!