Because I Said So

免費午餐都食過幾多，因為公司成日有lunch meeting，不過免費電影就第一次睇。上明報網站睇新聞見有抽獎，手痕又見唔煩，只係填個email，就用30秒攪掂佢。星期四填，下個星期一屋企已經收到信寄黎換票証。咁大個人都係第一次中呢d公開的抽獎，自此相信佢地真係送野出黎而非做戲宣傳。

抽中的戲係「網上有緣人」，諗住會係似 “You’ve Got Mail” 果類戲啦，點知又唔似得晒喎。在唔知劇情，冇expectation入去的情況下，覺得又幾好睇喎，輕輕鬆鬆咁笑足成程。Diane Keaton飾演的阿媽超好笑，同行的朋友岩岩回復單身，平時佢阿媽已經成日擔心個女冇人要，朋友話如果比佢媽子睇到呢套戲，分分鐘學戲中的阿媽咁做，咁就實die hard。哈，即刻諗番自己媽子，發現佢超級可愛，從來未講過 “Because I Said So” 呢d對白喎。媽子，你真係好呀~~ 我咪就係似晒你咁好囉~~~ 哈哈哈~~~