一田大減價

今次約埋凱恩同十蚊一齊入去. 凱恩目標係買喼. 十蚊就要買喼, 床上用品等等. 而我, 想買預寒外套比吳剛.

入到去, 果然係好多人. 係搵佢地途中撞到阿賢, 於是就一齊深入最尾既地帶搵正在買喼既凱恩十蚊. 凱恩好成功地買左個好靚既喼, 好抵啊, 唔洗五百蚊. 但淑芬就買唔到. 因為冇佢想要既色.

跟住佢地就陪我去買外套. 我最後揀左件三合一外套比吳剛, 得返一個色了, 不過都好抵買. 五百蚊左右. 雖然吳剛有好多外套. 但我地去韓國會有雪, 我怕佢唔夠暖, 叫佢買佢一定唔會, 所以我做老婆既要出手. 買件比佢. (好彩最後佢都鍾意件褸)

最後一個目的地, 係super marker, 亦係最多人既地方, 見到d職員舉版表示比錢要排一至兩個鐘. 所以阿賢佢地就先排隊. 我地就去睇野. 十蚊同佢個朋友好快手同熟手地拎左佢地要既野, 再走去阿賢到放底, 放底完又再去拎過, 我同凱恩就企係到, 睇住佢地, 覺得佢地好pro 啊. 哈哈. 最後我地兩個都叫做有d收穫, 食物. 十蚊就滿載而歸. 呵呵呵

買完我要馬上走. 因為約左吳剛去買食物, 食返上年食過既野 ~ 刺身.