富士山下的一片雲

復活假公司旅行去東京, 去完返黎硬係搵黎搵去都搵唔到部DC connect去PC既cable,
谷鬼氣今日終於忍唔住去買番個card reader...一於先整張富士山先

今個旅行真係要幾relax有幾relax, 吃喝玩樂就不在話下, 仲有溫泉浸,
不過有d可惜既只係一個室內溫泉..(應該真係溫泉水黎既), 如果係戶外露天, 好似睇電視睇到個d就仲正.

雖然個行程唔算係好密, 但係就幾累, 成日都係車到訓左, 應該錯過左好多風景喇
冇計, 鬼叫自己咁鐘意訓教..kaka

天氣問題, 櫻花都謝得7788..其實下面呢d係咪黎呢, 我都真係唔知, 不過幾靚, 即管post埋上黎睇下.

另外不得不提既係去個富士急遊樂場, 門口都未行到埋去就 "嘩~洗唔洗咁高呀", 講緊咩, 咪就係(話係全日本, 什至係亞洲?!)個最長最高既過山車!!! 初初個個都唔知自己敢唔敢玩, 但係o係一人一句既情況下, 終於都頂硬上, 哇, 唔上去由自可, 上到去先發覺同hk個好唔同, hk個安全裝置都話係cool住晒成個人, 呢個...原來得扣住大脾個位同有條安全帶咋, 睇落真係好鬼牙煙..不過都上到去, 唔通走咩..kaka, 不過玩完之後又真係覺得幾好玩...之後我先知原來有30層樓咁高...

跟住另一個"最"係"最快", 個賣點係百9幾公里時速同一個好鬼直既"虎"沖..當然又係頂硬上啦,
開車彈出去個野真係心都黎埋, 不過好正, 有得再玩既我都一定會再玩多次...
關於呢個...最經典都莫過於兩個女同事...排排下隊竟然逃走!!! 仲要係跑住咁走返落去.. 真係吹脹..

人地話去得日本東京既就多數都會瘋狂購得, 不過可惜既係我冇咩買到, 可能我冇咩想買啦, d牌子野我又唔多岩, 最想既都係去睇下玩具, 同wii d野.  成個行程既shipping時間夾埋唔知有冇一日, 收獲只係得一對波鞋, 一個超合金魂, 一隻wii game同個手掣...
其他我預期想買既竟然一係冇, 一係就同香港差唔多價錢, 有冇搞錯呀...真係慘...我就得個行字...上到forum見人去完返黎買既玩具既相, 明明可以多到曬到一地都係架喎..

算..實有機會再去過既..如果我捨得請假, 又有多餘錢既話...kaka

其實我地個團係有去東京狄士尼的..不過..其實提唔提都冇咩所謂, 個feel同香港個根本係一q樣, 好似..只係好似..大過香港個少少...以前一直都對狄狄黎樂園有d"童"景架..不過, 去過hk個之後, 再去東京既都覺得係不外如是...當然, 我地只係走馬看花, 趕住走去shopping, 都可令我地睇唔真呢個樂園有幾"樂"法~

今次最失敗, 莫過於係以為一張256M, 影到200張相左右既卡夠晒用..頂, 呢度影下個到影下, d memory用得超快, 搞到後尾幾廿張相要轉細d象數影.  仲有, 行秋葉原時, 竟然掛住去睇玩具而莫視晒成街都係既cosplay囡囡...冇影到相.....真係side晒...睇返原來只係求其影左張

亨..睇黎都係要留返下次....如果仲有機會既話...