Snowboard初哥的痛楚

這個元旦，國內有三天假期，除了休息、整理家居和買東西外，同事提意出外滑雪，我這個全能玩家，當然要去玩吓兼學嚇嘢啦！

1月2日早上七點幾，同事兼今次我的教練凱文已到了我樓下，他看了我的裝扮，馬上話我好不專業啊！我尷尬地回應了句香港話；「屎波架餐多嘛。」皆因我未滑過雪，裝備只是用錢換回來，令好睇啲之嘛，我實際是……滑雪板初哥。

由我家向南開車駛往滑雪場，大約四十幾公里、－個小時路程，途中接埋凱文的朋友，總共兩部車、八個人，當中有某某滑雪俱樂部負責人，所以今次我們是有憂惠，每人只需－百元人民幣，便包括了入場費和租設備費用，十分低玩。

白清寨滑雪場為我國僅有的幾家可以承辦國際大型滑雪比賽的場地之一，占地面積600畝，雪場建有高山大眾滑雪場地（初級雪道、中級雪道、高級雪道），有一條空中吊椅索道、兩條拖牽式滑雪專用索道。

http://resort.91ski.com/ski.market.59

凱文問我想玩單板還是雙板，我心想幾然嚟得，緊係玩型仔啲的單板啦！另外，有位玩開雙板的朋友，今次亦想試玩單板型仔吓，加埋凱文，便有三條友玩單板，其餘的朋友都是玩傳統的雙板滑雪。滑雪板有分左右腳，這就是你主要用那隻腳先落，兩邊板頭及腳掌角度有少許分別，其次也要考慮雙腳分開的距離等，對鞋亦與玩雙板的鞋不同，所以想買私人裝備時，就要決定玩那－種啦，如果有錢的話，不妨買晒嚟試吓囉，哈！哈！

話到明是初哥，當然要到初級練習場玩吓先啦！

不要以為這初級場只有5至10度，就會好輕鬆，其實順流這斜坡的速度也不慢，對初學者已不錯。幾然順坡下流速度會很快，所以要掌握怎樣才是正確下滑，便要學撓轉左轉右，減速停下等基本技巧，以Z形式方法流下。下滑方向分為面向斜坡，和背向斜坡，初初學當然是面向斜坡先啦！向前流時，雙腳微曲，個人重心應放在後腳上，轉左轉右是以前面的腳掌向上提，後面的腳掌向下壓，使滑雪板有少許扭曲情形，它便會向那邊轉，而減速停下就是張板打橫。道理是很簡單，但是練來練去，不知跌了多少次，要領會到話左便左，話右便右，想停就停，仲要保持平衡，談何容易呀！

不經不覺又到十二點幾，便同凱文食個飯先。之後，再練了一陣，他見我有些點進步，便提意坐索道上中級雪道玩，這亦是他這天定下的目標，我心大心細下，無理由退縮格，死就死啦！於是捨命陪君子地上。

其實中級和高級雪道，就是三段不同斜度、連成一起的斜坡，中級雪道起點是第二條斜坡頂，斜度約20至30度左右，高級雪道起點在最高第三條斜坡頂，斜度約30至40度左右。遠睇這條雪道，感覺好似好平姐，但踏上起步點往下望時，卻是幾斜吓，驚驚地添，不過，經已上到嚟，點都要滑下去啦！我唯有專心想著轉向、減速等技巧，跌低再起地滑了下去。落到底之後，我當然不會服輸啦，便嗱嗱啉再上去嚟過，上得兩、三次後，已不再對條雪道害怕，跌低次數也少了。就這樣，時光流逝得很快，時間已到差不多四點，於是我們滑埋最後一次，便要回程歸家。我打醒十二分精神，希望可以做次完美結局，不過……好可惜，可能心急了些許，起步不久便失去平衡，坐底了在雪地，我帶著少少失望心情繼續下滑，奇怪地，這返而控制得好過之前，沒有倒下地直滑到底，雖然未是完美，但已合格滿意。之後凱文開車送我們回去，而我內心決定下次一定要學埋背向下滑先得，哈！哈！

各位老友，你哋對滑雪又有嘜嘢心得呢？不妨提出讓我這些初哥學吓嘢呀！