各位狗友:

我一向在錦田有餵一隻唐狗媽咪, 唐狗媽咪十分膽小,很怕人,所以帶唔到佢去做絕育手術.她個幾月前生咗六隻狗BB.但由於她之前已流浪一段日子,身體已經好虛弱,所以直至今日她終於捱唔住,死左.

我今日去到既時候只係見到狗媽咪好安詳咁瞓左係度,六隻狗BB就瞓係媽咪懷中,我見到真係覺得好淒涼. 現在接左6隻BB返黎暫住,但佢地不停哀鳴.我又冇能力再養多6隻.所以希望各位狗友可以幫幫忙,幫呢6個孤兒仔搵一個幸福快樂的家,等佢地可以快樂長大.

如果冇人要佢地,我唯有送去動物協會,所以希望你地幫幫忙.

狗BB分別係3隻男仔3隻女仔,大概個半月大,又非常活潑及健康.

引用自：http://hk.myblog.yahoo.com/jw!Sy9ns3CRHxj0q2yv8wT8vg--/article?mid=121